قازاقستاندىقتاردىڭ 64 پايىزى ينتەرنەتتى سمارتفون ارقىلى پايدالانادى

بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«قازاقستاندىقتاردىڭ 64 پايىزى سمارتفوندارى ارقىلى ينتەرنەتتى پايدالانادى. سوندىقتان دا ءبىز ەلەكتروندى ۇكىمەتتىڭ mGov موبيلدى قوسىمشاسىن دامىتۋعا ەرەكشە نازار اۋدارىپ وتىرمىز»، - دەدى مينيستر.

ونىڭ ايتۋىنشا، بۇگىنگى تاڭدا mGov ارقىلى 87 قىزمەت پەن سەرۆيستى عانا پايدالانۋعا مۇمكىندىك بار. سول سەبەپتى مينيسترلىك ءموبيلدى جانە ۆەب-ۆەرسيالاردىڭ قاتار دامۋىنا كوڭىل بولۋدە.

«بۇل قوسىمشانى قازىر 1,3 ميلليون ازامات پايدالانىپ وتىر. 2018-جىلدىڭ وزىندە m-Gov ارقىلى 3,6 ميلليون قىزمەت كورسەتىلگەن»، - دەدى داۋرەن ابايەۆ.