پۋتين ءبىر كۇندە 64 زاڭعا قول قويدى

 استانا. قازاقپارات - 29 - جەلتوقسان كۇنى رەسەي فەدەراتسياسىنىڭ پرەزيدەنتى ۆلاديمير پۋتين 64 زاڭعا قول قويدى، دەپ حابارلايدى lenta.ru.

تاڭەرتەڭگى ساعات 10 نان باستاپ قول قويعان پۋتين، ەڭ سوڭعى قۇجاتقا كەشكى ساعات 17 دە ماقۇلداۋ جاسادى. قول قويىلعان قۇجاتتىڭ كوبى اعىمداعى زاڭنامالارعا وزگەرتۋلەر مەن تولىقتىرۋلار ەنگىزۋ جايلى بولدى.

زاڭداردىڭ ءبىرى جەكە كاسىپكەرلەر مەن جەكە تۇلعالاردى 2015 - جىلدىڭ 1 - قاڭتارىنا دەيىن قالىپتاستىرىلعان سالىق قارىزدارىن تولەۋدەن بوساتۋ تۋرالى. قۇجاتتا رەسەيلىك ازاماتتاردىڭ ءبىرقاتار مىندەتتەمەلەرى جيناۋ مۇمكىن ەمەس جانە كۇشىن جويعان دەپ تانىلادى. ولاردىڭ ىشىندە: كولىك سالىعى بويىنشا بەرەشەكتەر مەن ايىپپۇلدار، جەكە مۇلىك سالىعى مەن جەر سالىعى بار.

سونداي- اق مەملەكەت باسشىسى ەڭ تومەنگى كۇنكورىس دەڭگەيىن كوتەرۋ تۋرالى زاڭعا قول قويدى. سونىمەن قاتار انالارعا تولەنەتىن قارجىعا قاتىستى باعدارلامانى كەڭەيتۋ تۋرالى دا زاڭعا وزگەرتۋلەر ەنگىزدى.

baq.kz