تۇركياداعى جارىلىستان 64 ادام جارالانىپ، توعىز ادام قازا تاپتى
استانا. قازاقپارات - تۇركيانىڭ وڭتۇستىك- شىعىسىنداعى شيرناك پروۆينتسياسى جيزرا قالاسىنداعى پوليتسيا باقىلاۋ- وتكىزۋ بەكەتىندە بولعان جارىلىستان ەڭ كەمى توعىز پوليتسەي قازا تاپتى، 64 ادام ءتۇرلى جاراقات الدى،
دەپ Reuters اگەنتتىگىنە سىلتەمەمەن تاسس اگەنتتىگى حابارلادى.
بۇعان دەيىن حابارلانعانداي، باقىلاۋ- وتكىزۋ بەكەتىنە مينا قويىلعان اۆتوكولىك باسا- كوكتەپ كىرگەن. شيرناك پروۆينتسياسى سيريامەن جانە يراكپەن شەكارا ماڭىندا ورنالاسقان، وندا كۇردتەردىڭ ەلەۋلى بولىگى ءومىر سۇرەدى.
شابۋىلشىلار جيزرا ۋەزىندەگى پوليتسيانىڭ تەكسەرۋ بولىمشەسىندەگى كولىكتى جارىپ جىبەرگەن. بۇل باقىلاۋ- وتكىزۋ بەكەتى وڭىرلىك پوليتسيا عيماراتىنان 50 مەتر جەردە ورنالاسقان. عيماراتتىڭ الدى تولىقتاي دەرلىك قيرادى.
