قىتايدا جالپى كولەمى 64 ميلليارد دوللار سومادا زاڭسىز وپەراتسيالار جۇرگىزگەن كولەڭكەلى بانك جابىلدى
ۇيىم «16- قىركۇيەك» دەگەن اتاۋمەن بەلگىلى بولعان. بۇل تۋرالى جۇما كۇنى Associated Press جىجياڭ پروۆينتسياسى جينحۋا قالاسىنىڭ پوليتسياسىنا سىلتەمە جاساپ حابارلادى.
پوليتسيا اقپاراتىنشا، بانكتى باسقارعان قىلمىستىق جۇيەگە جاو مۋي جەتەكشىلىك ەتكەن. كەم دەگەندە 2013-جىلدان ول قىتايدان 100 ميلليارد يۋاننان استام ($15,6 ميلليارد) قاراجاتتى شىعاردى.
بۇل ءۇشىن جالعان شياڭگاڭدىق كومپانيالاردىڭ اتىنا اشىلعان 850 بانك شوتىن پايدالاندى. بۇل فيرمالار قىتايدا وپەراتسيالار جۇرگىزە الاتىن جانە ەلدەن اقشا شىعارا الاتىن رەزيدەنتتەر ەمەس ءۇشىن اشىلعان. يۋانداردى جاو مۋي ارى قاراي ءىرى الەمدىك بانكتەردە وزگە ۆاليۋتاعا ايىرباستاعان، سونىڭ ىشىندە شياڭگاڭداعى HSBC Holdings بولىمشەسىندە دە ايىرباستاعان.
بانك وكىلى مالىمدەمە جاساۋدان باس تارتتى. پوليتسيانىڭ ايتۋىنشا، قاسكويلەردى انىقتاۋ مەن ۇستاۋ ءۇشىن ءبىر جىلدان استام ۋاقىت كەتتى. بۇل شارا 2014-جىلدىڭ قىركۇيەگىندە باستالدى. بيلىك 1,3 ميلليوننان استام كۇدىكتى ترانزاكتسيانى تەكسەرۋگە ءماجبۇر بولدى. جاو مۋيا بانكىنىڭ ءىسى بويىنشا بارلىعى 370 ادام ۇستالدى.
