سىبايلاس جەمقورلىق فاكتىسىن حابارلاعان ءۇش الماتىلىق 640 مىڭ تەڭگە سىياقى الدى

الماتى. قازاقپارات - سىبايلاس جەمقورلىق فاكتىسىن نەمەسە سىبايلاس جەمقورلىققا قارسى ءىس- قيمىلعا جاردەم كورسەتكەن ازاماتتارعا ىنتالاندىرۋ سىيلىعى بەرىلەدى، دەپ حابارلايدى قازاقپارات ءتىلشىسى.

ق ر سىبايلاس جەمقورلىققا قارسى ءىس- قيمىل اگەنتتىگىنىڭ (سىبايلاس جەمقورلىققا قارسى قىزمەت) الماتى قالاسى بويىنشا دەپارتامەنتتىڭ مالىمەتىنشە، ازاماتتاردىڭ 1424 call -ورتالىعىنا سىبايلاس جەمقورلىق فاكتىلەرى تۋرالى حابارلاۋى - سىبايلاس جەمقورلىققا قارسى قىزمەتكە سەنىم ارتتىرۋدا ەرەكشە ءرول وينايدى.

«1424 ساll-ورتالىقتىڭ وپەراتورلارى تاۋلىك بويى سىبايلاس جەمقورلىق تۋرالى حابارلامالارعا جانە بيزنەسكە جاسالعان قىسىمعا جاۋاپ بەرەدى، شاعىمداردى، پىكىرلەردى قابىلدايدى، كونسۋلتاتسيالىق كومەك كورسەتەدى» دەپ حابارلادى ۆەدومستۆودا.

سونداي- اق دەپارتامەنتتە حابارلاعانداي، ۇستىمىزدەگى جىلدىڭ اعىمداعى كەزەڭىندە 1424 call -ورتالىعىنا 28 ءوتىنىش كەلىپ تۇسكەن. ونىڭ 18 ى «اقپاراتتى ەسەپكە الۋ كىتابىندا» تىركەلدى. ولار بويىنشا قىلمىستىق جانە قىلمىستىق ءىس جۇرگىزۋ زاڭناماسى اياسىندا جۇمىس جۇرگىزىلۋدە. سونىمەن قاتار، اعىمداعى جىلدىڭ 6 ايىندا سىبايلاس جەمقورلىق فاكتىسىن حابارلاعان ءۇش الماتىلىق 640 مىڭ تەڭگە سىياقى الدى ازاماتتاردى كوتەرمەلەۋ اقپاراتتىڭ شىنايىلىعى، سونداي- اق، زاڭدى كۇشىنە ەنگەن سوت ۇكىمى بولعان كەزدە عانا جۇزەگە اسىرىلادى.

«سىياقى سوماسى سىبايلاس جەمقورلىق قۇقىق بۇزۋشىلىقتىڭ اۋىرلىعىنا بايلانىستى. پارا نەمەسە كەلتىرىلگەن زالال سوماسى 1 مىڭ ا ە ك- تەن (3 ميلليون 063 مىڭ تەڭگە) اسپايتىن سىبايلاس جەمقورلىق قۇقىق بۇزۋشىلىق تۋرالى حابارلاما، سىياقى 30-دان 100 ا ە ك- كە دەيىن قۇرايدى. كورسەتىلگەن سومادان ارتىق - سىياقى %10 دى قۇرايدى، ءبىراق 4 مىڭ ا ە ك- تەن اسپايدى (12 ميلليون 252 مىڭ تەڭگە)»، - دەپ مالىمدەدى دەپارتامەنتتە.