قازاقستان ازاماتتىعىن 640 شەتەلدىك الادى
«تاۋەلسىزدىك العان ساتتەن باستاپ قازاقستاننىڭ ازاماتى بولۋعا نيەت ءبىلدىرۋشى ادامدار سانىنىڭ ۇدايى ءوسۋى بايقالادى. وسى جىلدار ىشىندە ەلىمىزدىڭ حالىقارالىق بەدەلى ايتارلىقتاي ءوستى. ەلباسى نۇرسۇلتان نازاربايەۆتىڭ باسشىلىعىنىڭ ارقاسىندا ەتنوسارالىق قاتىناستىڭ جوعارى مادەنيەتى قالىپتاستى، قازاقستاننىڭ الەۋمەتتىك- ەكونوميكالىق جانە قوعامدىق- ساياسي دامۋىنداعى نىق قادامدار جۇزەگە اسىرىلدى»، - دەدى مەملەكەتتىك حاتشى.
گۇلشارا ءابدىقالىقوۆا ءوز سوزىندە مەملەكەتتىك رامىزدەر كۇنى قارساڭىندا ەلىمىزدىڭ جاڭا ازاماتتارىن قارسى الۋعا ەرەكشە قۋانىشتى ەكەنىن، وتانىمىزدىڭ يگىلىگى جولىندا ولارعا باقىتتى ءومىر جانە تابىستى جۇمىس تىلەيتىنىن اتاپ ءوتتى. ەلىمىزدىڭ لايىقتى ازاماتى بولا وتىرىپ، ەگەمەن قازاقستاننىڭ ودان ءارى دامۋى مەن وركەندەۋىنە ءوز ۇلەستەرىن قوساتىندىقتارىنا سەنىم ءبىلدىردى. وتىرىستا قازاقستان ازاماتتىعىنا قابىلداۋ جانە ودان شىعارۋ ماسەلەلەرى قاراستىرىلدى. مەملەكەت باسشىسى ءتيىستى جارلىققا قول قويعاننان كەيىن جاقىن جانە الىس شەت ەلدەن كەلگەن ءتۇرلى ەتنوستىڭ 640 وكىلى قازاقستاندىق اتاناتىن بولادى. كوميسسيا وتىرىسىنىڭ قورىتىندىسىندا ءتيىستى شەشىمدەر مەن ۇسىنىمدار قابىلداندى.
اۆتور: مارلان جيەمباي
