دۋبايدا 63 قاباتتى مەيرامحانا وتقا وراندى

استانا. قازاقپارات - كەشە دۋبايدا ورتكە ۇشىراعان قوناق ۇيدە قازاقستاندىقتار جوق. بۇل تۋرالى ەلىمىزدىڭ سىرتقى ىستەر مينيسترلىگى حابارلادى.

ايتا كەتەيىك، كەشە جاڭا جىلدى مەرەكەلەۋگە بىرنەشە ساعات قالعاندا 5 جۇلدىزدى قوناق ءۇي ورتەنگەن بولاتىن. ول الەمدەگى ەڭ بيىك بۋردج حاليفا مۇناراسىنىڭ جانىندا ورنالاسقان. رەيتەر اگەنتتىگى 14 ادام زارداپ شەكتى دەپ جازۋدا. ال جەرگىلىكتى اقپارات قۇرالدارىنىڭ حابارلاۋىنشا، ءورت سالدارىنان 1 كىسى قازا تاۋىپ، تاعى  16 سى جاراقات الدى. جالىن 63 قاباتتى مەيرامحانانىڭ بىرنەشە ونداعان قاباتىن شارپىعان. قازىر ءتىلسىز جاۋ تولىق اۋىزدىقتالدى. ازىرگە، اپات سەبەبى بەلگىسىز. اتالعان اۋداندا جىل سايىن قالاداعى ەڭ ءىرى وتشاشۋ بولادى. قىزىقتى كورىنىستى تاماشالاۋعا مۇندا مىڭداعان ادام جينالاتىن، دەپ حابارلادى www.24.kz.