قازاق تىلىندە بەكىتىلگەن تەرميندەر سانى 6352 گە جەتتى
«نۇر وتان» پارتياسىنىڭ «قازاقستان. 2017 ماقساتتارى. ۇلتتىق ءىس- قيمىل جوسپارى» سايلاۋالدى تۇعىرناماسىنىڭ «حالىق بىرلىگى» باعىتى بويىنشا ساراپتاما توبىنىڭ كەزەكتى وتىرىسىندا ق ر مادەنيەت جانە سپورت مينيسترلىگى تىلدەردى دامىتۋ جانە قوعامدىق- ساياسي جۇمىس كوميتەتى ءتوراعاسىنىڭ ورىنباسارى سەرىك سالەموۆ وسىلاي ايتتى، دەپ حابارلادى اتالعان ساياسي ۇيىمنىڭ باسپا ءسوز قىزمەتىنەن.
«كوميسسيا بەكىتىلگەن ەرەجەنى باسشىلىققا الا وتىرىپ، تەرمينولوگيالىق جۇمىستاردى رەتتەۋ، قازاق ءتىلى تەرميندەرىن بىرىزدەندىرۋگە باعىتتالعان ماسەلەلەردى شەشۋدە. ماسەلەن، قولدانىستاعى رەتتەلگەن تەرمين قور بۇگىنگى تاڭدا 10 مىڭعا جۋىق تەرميندى قۇراسا، سونىڭ ىشىندە، كوميسسيانىڭ ەرەجەسى بەكىتىلگەننەن بەرى، ياعني 1998 - جىلدان بەرى بەكىتىلگەن تەرميندەر سانى 6352 نى قۇراپ وتىر» ، - دەپ اتاپ ءوتتى ول.
«جۇيەلى تۇردە وتكىزىلەتىن كوميسسيانىڭ وتىرىستارىندا تەرميندەر بەكىتىلىپ عانا قويماي، سوزدىكتەر دە ماقۇلدانادى. مىسالى، وتكەن جىلى كوميسسيانىڭ 4 وتىرىسى بولىپ ءوتتى. ولاردا زاڭ شىعارۋ، حالىقارالىق قاتىناستار، ستاتيستيكا سالالارىنىڭ 342 تەرمينى بەكىتىلىپ، 5157 بىرلىكتەن تۇراتىن ستاتيستيكا سالاسىنىڭ جىكتەگىشى، 100 مىڭنان استام تەرميننەن تۇراتىن 10 تومدىق قازاقشا- ورىسشا سالالىق تەرمينولوگيالىق سوزدىك ماقۇلداندى» ، - دەپ ويىن تۇيىندەدى. سالەموۆ.
ايتا كەتەيىك، وتىرىس بارىسىندا «نۇر وتان» پارتياسى وكىلدەرىمەن بىرگە قازاق ءتىلىنىڭ رەتتەلگەن تەرمينولوگيالىق قورىن قۇرۋ، سونداي- اق 2014 - جىلعى 4 - اقپاندا ق ر پرەمەر- ءمينيسترىنىڭ توراعالىعىمەن وتكەن مەملەكەتتىك ءتىل ساياساتىن ودان ءارى جەتىلدىرۋ جونىندەگى كوميسسيانىڭ ءبىرىنشى وتىرىسىندا بەرىلگەن تاپسىرمالاردىڭ ورىندالۋ بارىسى قارالدى.
