وليگوپوليامەن كۇرەس: 631 ميلليارد تەڭگە قايتارىلدى
«پرەزيدەنت تاپسىرماسى بويىنشا اكتيۆتەردى قايتارۋ جانە وليگوپوليامەن كۇرەس جالعاسۋدا. ارنايى كوميسسيا جۇمىسىمەن مەملەكەتكە 631 ميلليارد تەڭگە قايتارىلدى. ونىڭ ىشىندە 400 ميلليون دوللار قىلمىستىق قۋدالاۋ اياسىندا شەتەلدەن قايتارىلدى. وليگوپوليا مەنشىگىنەن 398 مىڭ گەكتار جەر قايتارىپ الدىق. ونىڭ باعاسى 6 جارىم ميللياردتان استام تەڭگە تۇرادى»، - دەدى ول باس پروكۋراتۋرانىڭ بيىلعى جۇمىسىن قورىتىندىلاۋعا ارنالعان باسپا ءسوز ءماسليحاتىندا.
ونىڭ اتاپ وتۋىنشە، باس پروكۋرور بۇرىن وليگوپوليا پايداسىنا شىعارىلعان سوت شەشىمدەرىنە نارازىلىق ەنگىزىپ، ناتيجەسىندە جوعارعى سوت 17 سوت اكىسىنىڭ كۇشىن جويدى. سول ارقىلى 600 دەن استام تەمىر جول تۋپيكتەرى قايتارىلدى. جول ءجۇرۋ تاريفتەرى ازايدى. 21 ميللياردتان استام سوماعا مەملەكەت مۇددەسى قورعالدى. زاڭسىز الىنعان مەملەكەتتىك وبەكتىلەردى قايتارۋ تۋرالى پروكۋراتۋرا بەرگەن 6 تالاپ- ارىز قولداۋ تاپتى. جالپى سوماسى 14 ميللياردقا جۋىق تەڭگەگە پروكۋراتۋرا بەرگەن تالاپ- ارىزدار قارالىپ جاتىر.
«قىلمىستىق جولمەن الىنعان تابىس جانە اكتيۆتەردى قايتارۋعا شەتەلدىك ارىپتەستەرىمىزدى تارتىپ جاتىرمىز. مىسالى، قازان ايىندا كيپرمەن قىلمىسكەرلەردى بەرۋ جانە قىلمىستىق ىستەر بويىنشا كومەك كورسەتۋ تۋرالى شارت جاسالدى. جالپى قىلمىستىق- قۇقىقتىق سالادا قازاقستان 34 ەلمەن شارتتار بەكىتتى. ولاردىڭ ىشىندە قىتاي، ا ق ش، ءۇندىستان، برازيليا سياقتى ءىرى ەلدەر بار»، - دەدى تيمۋر تاجىمبايەۆ.
