تامارا دۇيسەنوۆا: بيىل قازاقستاندا 630 مىڭنان استام جۇمىس ورنى اشىلادى
دەپ حابارلايدى قازاقپارات ح ا ا ءتىلشىسى.
جيىندا مينيستر وسى جىلدىڭ 1 - قاڭتارىنان باستاپ «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسىن جۇزەگە اسىرۋ قولعا الىنعانىن ەسكە سالىپ، ونىڭ ءاربىر باعىتىن جان- جاقتى ءتۇسىندىرىپ بەردى. ەلىمىزدىڭ التى ءوڭىرىنىڭ اتقارۋشى بيلىك وكىلدەرى مەن جۇمىسپەن قامتۋدى جانە الەۋمەتتىك باعدارلامالارىنىڭ باسشىلارى، جۇمىس بەرۋشىلەر مەن كاسىپكەرلەر قاتىسقان فورۋمدا حالىقتى تۇراقتى جۇمىسپەن قامتۋ مەن وسى باعىتتا وڭىرلەردىڭ بايلانىسىن ارتتىرۋ ماسەلەسى ءسوز بولدى.
«بارشامىز، ەڭبەك نارىعىن ءتيىمدى رەتتەۋ جولىندا قاي وڭىرلەردە، قانداي سالالار مەن باعىتتاردا قانداي جاڭا جۇمىس ورىندارىن قۇرۋ قاجەتتىگىن ناقتى ءبىلۋىمىز كەرەك. ءبىزدىڭ مينيسترلىك ورتالىق مەملەكەتتىك ورگاندارمەن جانە وڭىرلەرمەن بىرلەسە وتىرىپ، مەملەكەتتىك جانە سالالىق باعدارلامالار اياسىندا جۇزەگە اسىرىلاتىن جوبالاردا، جاڭا زاڭدى تۇلعالار تۇرعىسىندا، ەڭبەك رەسۋرستارىنىڭ وزىندىك ورىن اۋىستىرۋى جونىندە (زەينەتكە شىعۋ، انا بولۋعا بايلانىستى دەمالىس جانە وزگە دە) قۇرىلاتىن جۇمىس ورىندارىنا قاتىستى ماقساتتى ينديكاتورلاردى انىقتادى. سونىمەن قاتار، وبلىستار، استانا مەن الماتى قالالارى اكىمدەرىمەن بىرلەسكەن جاعدايدا، ءتيىستى مەموراندۋمدارعا قول قويدىق. جالپى، ەلىمىزدە، مەملەكەت كومەگىنە جۇگىنەتىن جۇمىسسىز ازاماتتاردى ەڭبەكپەن قامتۋدا 630 مىڭنان استام جۇمىس ورنىن قۇرۋ كوزدەلىپ وتىر»، - دەدى تامارا دۇيسەنوۆا.
سونىمەن قاتار، وڭىرلەر اراسىنداعى ەڭبەك رەسۋرستارىنىڭ قوزعالىسىنا ەرەكشە كوڭىل ءبولىنىپ وتىرعانىن ايتقان مينيستر بۇل جۇمىستار الداعى ۋاقىتتا دا جالعاسىن تابا بەرەتىنىن اتاپ ءوتتى.
«وسى اپتادا رەسپۋبليكامىزدا العاشقىلاردىڭ ءبىرى بولىپ وڭتۇستىك قازاقستان وبلىسى 4 وڭىردەن جۇمىس بەرۋشىلەر ۇسىنعان بوس جۇمىس ورىندارىمەن تانىسۋدىڭ جانە وسىلايشا ءوز ماماندىعى بويىنشا تاڭداۋ جاساۋدىڭ تاماشا مۇمكىندىگىن جاسادى. وسىلايشا، ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىن جۇزەگە اسىرۋ اياسىندا، قازاقستاندىقتاردى سۇرانىسقا يە كاسىپكە تەگىن وقىپ قانا قويماي، جاڭادان اشىلاتىن جۇمىس ورىندارىنا ورنالاسۋعا جانە جەكە ءىس اشۋعا قولداۋ كورسەتەمىز. وبلىستار اراسىندا دا جۇمىسپەن قامتۋ شارالارىنان بولەك ونەركاسىپ، اۋىلشارۋاشىلىق، كولىك- لوگيستيكا، ساۋدا جانە قىزمەت كورسەتۋ سالالارىندا جوبالاردى بىرلەسە ىسكە اسىرۋ باعىتىندا تىعىز قارىم- قاتىناس ورناتقان ءجون. سوندىقتان دا وسى بيزنەس- فورۋمدى وتكىزۋ جايلى باستاما كوتەردىك. ءۇش كۇندىك ءىس- شارانى جوعارى دەڭگەيدە ۇيىمداستىرىپ وتىرعان وڭتۇستىك قازاقستان وبلىسىنىڭ باسشىلىعىنا العىسىمدى بىلدىرىمەن»، - دەدى دۇيسەنوۆا.
اۆتور: اينۇر اقبايەۆا 
