الەمدەگى ەڭ ۇلكەن كارتينا 62 ميلليون دوللارعا ساتىلدى
ۇلى بريتانيالىق سۋرەتشى ساشا دجافري سالعان سۋرەتتىڭ كولەمى 1500 شارشى مەتردەن اسادى - بۇل ەكى فۋتبول الاڭىنا تەڭ. سۋرەتشى وسى كارتيناعا 7 اي، 20 ساعات ۋاقىت جۇمساعانىن ايتتى.
سۋرەتشى اقشانى بالالارعا كومەكتەسەتىن قايىرىمدىلىق قورلارىنا اۋدارادى.
«ءبىز 200 ميلليوننان استام بالانىڭ ءومىرىن ساقتاپ، قورشاعان الەمدى وزگەرتۋگە مۇمكىندىك بەرەمىز دەپ ۇمىتتەنەمىز. ءبىز الەمدەگى بارلىق بالالاردى، ءتىپتى كەدەي ەلدەردە دە ينتەرنەت ارقىلى ءبىلىم الاتىنداي ەتىپ تاربيەلەگىمىز كەلەدى»، - دەيدى دجافري.
كارتينانى كريپتوۆاليۋتا كومپانياسىن باسقاراتىن فرانسۋز اندرە ابدۋن ساتىپ الدى. ول سۋرەتشىنىڭ بالالارعا دەگەن ادالدىعى مەن نيەتى اسەر ەتكەنىن ايتتى. ساتىپ الۋشىنىڭ ايتۋىنشا، ەگەر جۇمسالعان 62 ميلليون دوللار «كەم دەگەندە ءبىر بالانى كۇلىمسىرەتە السا»، وندا جۇمسالعان قارجى بەكەر ەمەس دەپ سانايدى.
سۋرەت 70 بولىمنەن تۇرادى. باستاپقىدا ونى بولشەكتەپ 30 ميلليون دوللارعا ساتۋ جوسپارلانعان بولاتىن.
«ادامزات ساياحاتى» كارتيناسى گيننەستىڭ رەكوردتار كىتابىنا ەنگەن. دجافري كەسكىندەمەنى وتكەن جىلدىڭ قىركۇيەك ايىندا اياقتاعان. كارتينانى سۋرەتشى ينتەرنەت ارقىلى الەمنىڭ 140 ەلىنەن جىبەرىلگەن ونەر تۋىندىلارى نەگىزىندە سالعان.
massaget.kz
