ءابۋ- دابي پلازا 62 جۇمىسشىعا وتەماقى تولەيدى - ەرلان سايروۆ
بۇل تۋرالى ق ر كاسىپوداقتار فەدەراتسياسى ءتوراعاسىنىڭ ورىنباسارى ەرلان سايروۆ فەيسبۋكتەگى پاراقشاسىندا جازدى، دەپ حابارلايدى قازاقپارات.
«قازاقستان كاسىپوداقتار فەدەراتسياسىنىڭ ارنايى وكىلى رەتىندە «ءابۋ-دابي پلازا» كومپانياسىنىڭ مەنەدجمەنتىمەن كەزدەستىم. اتالعان كومپانياداعى وتاندىق جۇمىسشىلاردى قورعاۋدىڭ وزەكتى ماسەلەلەرىن تالقىلادىق. مەن جۇمىسشىلاردىڭ قۇقىقتارىن قورعاۋ ءبىزدىڭ ۇيىم جۇمىسىنىڭ باستى ەلەمەنتى بولىپ سانالاتىندىعىن اتاپ ءوتتىم»، - دەپ جازادى ول.
وسى رەتتە ول كەزدەسۋ قورىتىندىسىنا ەگجەي-تەگجەيلى توقتالماستان بۇرىن «ءادۋ-دابي پلازا» كومپانياسىنىڭ ەڭبەك قاتىناستارى سالاسىنداعى ساياساتىنا جالپى سارامامەن ءبولىسىپ وتكەن. ونىڭ ايتۋىنشا، «ءادۋ- دابي پلازا» شەتەلدىك كومپانيا رەتىندە ءبىزدىڭ ەلىمىزدە جۇمىس كۇشىن تارتۋ جانە جالداۋ ءۇشىن جەرگىلىكتى فيرمالاردىڭ قىزمەتىنە جۇگىنەدى. ولاردىڭ جۇمىسشىلاردى جالداۋمەن اينالىساتىن قوسالقى مەردىگەرلەردىڭ قاتارىندا 40-تان استام وتاندىق ۇيىم بار. قوسالقى مەردىگەرلەر ەڭبەك رەۋستارىن ىزدەۋ، جالداۋ جانە وقىتۋمەن اينالىسادى.
«ءبىزدىڭ كليرينگتىك فيرمالار «جۇمىستىڭ بەلگىلى ءبىر تۇرىنە ارنالعان» ۇلگىلىك كەلىسىمشارتتى قولدانادى. اتالعان تەرمين رەسمي تۇردە قازاقستاننىڭ ەڭبەك كودەكسىنە ساي كەلەدى. دەگەنمەن، اتالعان تۇجىرىم جۇمىس بەرۋشىگە الەۋمەتتىك وتەماقىسىز ەڭبەك قارىم- قاتىناسىن ءبىرجاقتى تارتىپپەن بۇزۋعا قۇقىق بەرەدى.
وسىلايشا، «ءابۋ-دابي پلازانى» قوسالقى مەردىگەر ۇيىمدارىنىڭ 62 جۇمىسشىسى جۇمىستان شىعارىلعان. رەسمي تۇردە ەڭبەك زاڭناماسى بۇزىلماعان. ال ادىلدىك تۇرعىسىنان الىپ قاراعاندا سۇراق وتە كوپ. ءبىزدىڭ ازاماتتارىمىز قىستا، قاتتى سۋىق كۇندەردە كۇنەلتۋگە قاجەتتى قاراجاتسىز قالىپ وتىر.
ايتا كەتەرلىگى، استانا قالاسى اكىمدىگىنىڭ، وزگە دە قۇزىرەتتى ورگانداردىڭ كەلىسسوزدەرى ناتيجەسىندە كومپانيا مەنەدجمەنتى 62 جۇمىسشىعا كەلىسىمشارتتىڭ بۇزىلۋىنا بايلانىستى ءبىر ايلىق وتەماقى، ەڭبەك دەمالىسىنىڭ پايدالانىلماعان كۇندەرى ءۇشىن وتەماقى تولەۋگە كەلىستى. پاراساتتى مۇددە جەڭىسكە جەتتى جانە تاراپتار بەيبىت تارقادى. ءبىراق، بىزدەگى اقپاراتقا سايكەس، ەڭبەك كەلىسىمشارتتارى بۇزىلۋىنىڭ كەلەسى تولقىنى كەزەكتە تۇر. ءبىز مۇنان ارى دا ەڭبەك قۇقىقتارىنىڭ شەكتەلۋ فاكتىلەرىنە دەر ۋاقىتىندا ءۇن قاتىپ، قازاقستان زاڭناماسى اياسىندا ازاماتتارىمىزدىڭ، جۇمىسشىلاردىڭ قۇقىقتارىن قورعايتىن بولامىز. بۇل ءبىزدىڭ ازاماتتىق ۇستانىمىز»، - دەدى ەرلان سايروۆ.
