ەلوردا اينالاسىندا ازىق- تۇلىك بەلدەۋىن قۇرۋعا 625 ميلليارد تەنگە بولىنەدى
بۇل تۋرالى 24-تامىزدا ەلوردانىڭ بىرنەشە اوك نىساندارىن ارالاپ، قايتا وڭدەۋ كاسىپورىندارىنىڭ وكىلدەرىمەن كەزدەسكەن اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى قازاقپارات.
كۇن تارتىبىندەگى باستى ماسەلە - باس قالانىڭ اينالاسىندا ازىق-تۇلىك بەلدەۋىن قۇرۋ بولدى. بۇگىنگى تاڭدا استانادا قالا تۇرعىندارىن ازىق- تۇلىكپەن قامتاماسىز ەتەتىن اگروونەركاسىپتىك كەشەننىڭ 56 سۋبەكتىسى بار. بۇل ۇن تارتۋ كاسىپورىندارى، نان زاۋىتتارى، شۇجىق ونىمدەرى مەن ءسۇت ونىمدەرىن وندىرەتىن كاسىپورىندار، كوكونىس بازالارى جانە جىلىجاي كەشەنى.
ەربول قاراشوكەيەۆتىڭ ايتۋىنشا، 2025 -جىلعا دەيىن نۇر-سۇلتاننىڭ اينالاسىندا ازىق- تۇلىك بەلدەۋىن قۇرۋ اياسىندا ا و ك سالاسىنا 625,7 ميلليارد تەڭگە باعىتتالادى. بۇل قارجىعا 256 ينۆەستيتسيالىق جوبانى ىسكە اسىرۋ، سونداي-اق ولارعا ينجەنەرلىك- كوممۋنيكاتسيالىق ينفراقۇرىلىم جۇرگىزۋ جوسپارلانىپ وتىر. سونداي-اق قۋاتتىلىعى جىلىنا 10 مىڭ توننا كوكونىس بولاتىن 2 جىلىجاي كەشەنىنىڭ قۇرىلىسى اياقتالۋعا جاقىن.
مۇنىڭ بارلىعى ماۋسىمارالىق كەزەڭدە اۋىل شارۋاشىلىعى ونىمدەرى تاپشىلىعىنىڭ ورنىن تولتىرۋعا جانە ەلوردالىق بازارلاردا باعانى تۇراقتاندىرۋعا، سونداي-اق 2 مىڭنان استام جۇمىس ورنىن قۇرۋعا مۇمكىندىك بەرەدى. مينيستر كەزدەسۋگە قاتىسقان كاسىپكەرلەردى وسى جۇمىسقا بەلسەندى قاتىسۋعا شاقىردى.
بۇدان بولەك، مينيستر اۋىل شارۋاشىلىعى تاۋار وندىرۋشىلەرىنە اگروونەركاسىپتىك كەشەندى دامىتۋ بويىنشا ۇكىمەت پەن اۋىل شارۋاشىلىعى مينيسترلىگى قابىلداعان داعدارىسقا قارسى شارالار تۋرالى ايتىپ بەردى.
اتاپ ايتقاندا، بيىلعى جىلى مەملەكەت باسشىسىنىڭ تاپسىرماسى بويىنشا اگروونەركاسىپتىك كەشەندى مەملەكەتتىك قولداۋ قولدانىستاعى سۋبسيديالاۋ قاعيدالارى بويىنشا جۇزەگە اسىرىلادى. ال 2023 -جىلدىڭ 1-قاڭتارىنان باستاپ سۋبسيديالاۋدىڭ جاڭا تەتىگى ىسكە قوسىلادى.
ايتا كەتەيىك، اۋىلشارۋاشىلىق تاۋارلارىن وندىرۋشىلەرمەن كەزدەسۋدە مينيستر، سونداي-اق الداعى 3 جىلدا ەلىمىزدە 87 جەمىس ساقتاۋ قويماسى سالىناتىنىن ايتتى.
كەزدەسۋدە كاسىپكەرلەردىڭ ءبىرى الەۋمەتتىك ماڭىزى بار ازىق- تۇلىك وندىرەتىن كاسىپورىندار ءۇشىن ەلەكتر ەنەرگياسىنا سارالانعان تاريف ەنگىزۋدى ۇسىندى.
سونداي-اق «قازاقستان ماي- توڭ ماي وداعى» قاۋىمداستىعىنىڭ پرەزيدەنتى كونستانتين نيەۆزوروۆ جۇك تاسىمالداۋ قۇنىنىڭ كوتەرىلۋىنە قاتىستى ماسەلەنى جەتكىزدى.
