اتاۋلى الەۋمەتتىك كومەكتى 625 مىڭ وتباسى قۇجات وتكىزبەي-اق اۆتوماتتى تۇردە الادى
سونداي-اق، 13 مىڭ ادام اتاۋلى الەۋمەتتىك كومەككە eGov.kz پورتالى ارقىلى جۇگىندى.
بۇل اعىمداعى جىلدىڭ II توقسانىندا ا ا ك الۋشى بولماعان ازاماتتار، دەپ حابارلايدى قازاقپارات.
بۇدان بۇرىن حابارلانعانداي، ەڭبەك جانە حالىقتى الەۋمەتتىك قورعاۋ مينيسترلىگى ەكىنشى توقساندا اتاۋلى الەۋمەتتىك كومەكتى العاندارعا ءۇشىنشى توقساندا دا 1- شىلدەدەن باستاپ ونى ۇزارتۋدى كوزدەيتىن بۇيرىق قابىلدادى.
بۇل شارا ازاماتتاردىڭ اكىمدىكتەر مەن جۇمىسپەن قامتۋ ورتالىقتارىنا جاپپاي جينالۋىن بولدىرماۋعا مۇمكىندىك بەردى. وسىلايشا ازاماتتاردىڭ كوروناۆيرۋس ينفەكتسياسىن جۇقتىرۋ قاۋپى ازايتۋدى كوزدەيدى. ءوتىنىشتى العاشقى بەرگەن كەزدە جۇمىسپەن قامتۋ ورتالىقتارىنىڭ قىزمەتكەرلەرى مەملەكەتتىك ورگانداردىڭ اقپاراتتىق دەرەكقورلارىنداعى قۇجاتتاردى تەكسەردى.
سونىمەن بىرگە، ۋچاسكەلىك كوميسسيالار ءوتىنىش بەرۋشىلەردىڭ مالىمەتتەرىن مەسسەندجەرلەر ارقىلى كوزبە-كوز كەزدەسۋ وتكىزبەستەن تەكسەردى.
«ا ا ك ۇزارتۋ كەزىندە كەيبىر كىرىستەر ەسكەرىلمەدى. ماسەلەن، تاۋەلسىز جۇمىسكەرلەردىڭ 2020-جىلعى II توقسانداعى جيىنتىق تابىسىن ەسەپتەۋ كەزىندە ايلىق ەسەپتىك كورسەتكىشتىڭ 25 ەسەلەنگەن مولشەرىندەگى تابىسى توتەنشە جاعداي كەزەڭىندەگى شەكتەۋلەر سالدارىنان كىرىسى جوعالعان جاعدايدا ءبىرىڭعاي جيىنتىق تولەمدى جانە الەۋمەتتىك تولەمدەردى تولەۋگە بايلانىستى كىرىس رەتىندە قاراستىرىلمادى. سونىمەن قاتار، ازىق-تۇلىك پەن تۇرمىستىق جيىنتىقتارعا جانە توتەنشە جاعداي كەزىندە كوممۋنالدىق شىعىنداردى وتەۋگە بولىنگەن اقشالاي تولەمدەر ەسەپكە الىنعان جوق» دەپ ءمالىم ەتتى مينيسترلىكتەن.
بۇعان دەيىن، 1-توقساندا ا ا ك الۋشىلارعا تولەم تاعايىنداۋ سول كەزدەگى توتەنشە جاعدايعا بايلانىستى 2-توقساندا ۇزارتىلعان بولاتىن. وسىلايشا، ەكىنشى توقساندا 561 مىڭ قازاقستاندىق ا ا ك- ءتى مەملەكەتتىك ورگاندارعا جۇگىنبەي-اق، اۆتوماتتى تۇردە الدى.
ەسكە سالا كەتەيىك، 14- شىلدەدە ق ر پرەمەر-ءمينيسترى اسقار مامين ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ مينيسترلىگىنە ا ا ك- ءتى قولدا بار مالىمەتتەر نەگىزىندە پرواكتيۆتى تاعايىنداۋدى تاپسىردى.
