الماتىلىق دارىگەرلەر 62 جاستاعى ايەلدىڭ وتىنەن 1730 تاس الىپ شىقتى
ەمدەۋ مەكەمەسىنىڭ باسپا ءسوز قىزمەتى ءمالىم ەتكەندەي، پاتسيەنت 7№ قالالىق كلينيكالىق اۋرۋحاناسىنا شۇعىل تۇردە وڭ جاق قابىرعا استىنىڭ اۋىرسىنۋ بەلگىلەرى، جۇرەك اينۋ، قۇسۋ، اۋىزدىڭ قۇرعاپ كەتۋ شاعىمدارمەن ءتۇستى. مەديتسينالىق تەكسەرۋدەن كەيىن وعان ءوت تاس اۋرۋى، ءجىتى كالكۋلوزدى حولەتسيستيت دياگنوزى قويىلدى. كەلەسى كۇنى، جالپى انەستەزيامەن، زاماناۋي از ينۆازيۆتى تەحنولوگيا بويىنشا - «لاپاروسكوپيالىق حولەتسيستەكتوميا» وپەراتسياسى جاسالدى.
«بۇل وپەراتسيا مەنىڭ رەكوردىمدى جاڭارتتى - وسى جولى تەك ءوت قابىنان 1730 تاس الىندى. وپەراتسيا ءساتتى ءوتتى. دەنساۋلىقتى ساقتاۋ جانە ءوت- تاس اۋرۋلارىنا بايلانىستى اسقىنۋلاردىڭ الدىن الۋ ءۇشىن پروفيلاكتيكالىق جانە سكرينينگتىك تەكسەرۋلەردەن ۋاقىتىلى وتۋگە كەڭەس بەرەمىن»، - دەيدى وپەراتسيالىق توپتىڭ جەتەكشى حيرۋرگى مۇسا ساحيپوۆ.
وتىنە تاس جيناۋدان رەكورد ورناتقان پاتسيەنت وتادان كەيىن، 4 ءى كۇنى ۇيىنە شىقتى.
