17:20, 13 - اقپان 2023 | GMT +6
ەلىمىزدە شەتەلدىك كولىكتى زاڭداستىرۋ اياسىندا 61 مىڭ ءوتىنىم ماقۇلداندى
استانا. قازاقپارات – ق ر ىشكى ىستەر مينيسترلىگىنىڭ وكىلى شۇعىلا تۇرلىبەك شەتەلدىك اۆتوموبيلدەردى زاڭداستىرۋدىڭ ستاتيستكاسىن ءمالىم ەتتى، دەپ حابارلايدى قازاقپارات ءتىلشىسى.
«ەلىمىزدە شەتەل كولىكتەرىن زاڭداستىرۋ ناۋقانى جالعاسىپ جاتىر. قازىرگى كەزدە 61 مىڭ ادامنىڭ ءوتىنىمى ماقۇلداندى. 25 مىڭ كولىك يەسى ءتيىستى قۇجاتتار مەن نومىرلەرىن الدى. زاڭداستىرۋ شاراسى 1- شىلدەگە دەيىن جالعاسادى»، - دەدى ش. تۇرلىبەك مينيسترلىكتىڭ اپتالىق بريفينگىندە.
ايتا كەتەيىك، ءبىر اپتا بۇرىن 36 مىڭ ادامنىڭ اۆتوموبيلىن زاڭداستىرۋعا قاتىستى ءوتىنىمى ماقۇلدانعان بولاتىن.
بۇدان بۇرىن حابارلانعانداي، ەلىمىزدە ءبىر اپتادا 3 مىڭعا جۋىق قىلمىس تىركەلدى.