ايەلدەردىڭ زەينەت جاسى 61 بولىپ ءبىرجولا قالا ما - ءاليحان سمايىلوۆ جاۋاپ بەردى

«ايەلدەردىڭ زەينەتكە شىعۋ جاسى 2028-جىلعا دەيىن 61 جاس بولىپ ساقتالادى. وسى 5 جىل ىشىندە ءبىز دەنساۋلىق ساقتاۋ جۇيەسىن جەتىلدىرۋىمىز كەرەك. ول ءۇشىن اۋىلداعى مەديتسينانى جاقسارتامىز، اۋداندارداعى مەديتسينالىق ەمحانالاردى جاڭعىرتامىز، كوپبەيىندى اۋرۋحانالار سالامىز»، - دەدى ۇكىمەت باسشىسى ماجىلىستە تىلشىلەرگە بەرگەن سۇحباتىندا.

سونىمەن بىرگە، پرەمەر-مينيستر زەينەتاقى جۇيەسىن ءارى قاراي جەتىلدىرۋ كەرەكتىگىن اتاپ ءوتتى.

«جيناقتى زەينەتاقى الۋ مولشەرىن 2025-جىلعا 27 پروتسەنتكە ۇلعايتامىز دەگەن جوسپارىمىز بار. وسى جۇمىستىڭ ناتيجەسىندە 2028-جىلى زەينەتكە شىعۋ جاسىن ءارى قاراي ۇلعايتامىز با، الدە قالدىرامىز با - قاراستىرىپ كورەمىز»، - دەدى ءا. سمايىلوۆ.

ايتا كەتەيىك، قازاقستاندىق ايەلدەر 2023-جىلدىڭ 1- قاڭتارىنان باستاپ 61 جاسىندا زەينەتكە شىعادى.

بۇعان دەيىن ەڭبەك جانە حالىقتى الەۋمەتتىك مينيسترلىگى ەلىمىزدە زەينەتاقى قالاي ەسەپتەلەتىنىن تۇسىندىرگەن ەدى.