جامبىل وبلىسىندا ءبىر ايدا 60 قارۋ تاركىلەندى
جامبىل وبلىسىنىڭ پوليسيا دەپارتامەنتى قاڭتار وقيعاسى كەزىندە ۇرلانعان، زاڭسىز ساقتالعان قارۋدى ىزدەۋ جانە تاركىلەۋ جۇمىستارىن جالعاستىرىپ كەلەدى. وسى ماقساتتا ءساۋىر ايىنىڭ سوڭىنا قاراي وبلىستا «قارۋ» جەدەل- الدىن الۋ ءىس- شاراسى وتكەن بولاتىن.
پوليتسيا قىزمەتكەرلەرى جەدەل- ىزدەستىرۋ شارالارى كەزىندە تارازداعى «سولنەچنىي» يىنىنەن قارۋ- جاراق پەن وق- ءدارى سالىنعان پوليپروپيلەن پاكەتىن تاپقان. وندا جامبىل وبلىسى پ د قويماسىنان ۇرلانعان 5,45 م م كاليبرلى «ا ك س-74» اۆتوماتى، 12 م م كاليبرلى «ي ج-54» ماركالى ەكى ۇڭعىلى اڭشى مىلتىعى، 16 م م كاليبرلى «ي ج- زك» ماركالى ءبىر ۇڭعىلى اڭشى مىلتىعى، «ي ج-18ە م» 16 م م كاليبرلى تەگىس ۇڭعىلى اڭشى مىلتىعى، 16 م م كاليبرلى «ي ج-58» ماركالى ءبىر ۇڭعىلى شولاق اڭشى مىلتىعى بولعان.
اتالعان دەرەككە قاتىستى ق ر قىلمىستىق كودەكسىنىڭ 287-بابى 3- ءبولىمىنىڭ «قارۋدى، وق- دارىلەردى، جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بويىنشا سوتقا دەيىنگى تەرگەۋ امالدارى باستالدى.
«ءىس- شارانىڭ 5 كۇنىندە پوليتسەيلەر زاڭسىز اينالىمنان 54 قارۋ، 448 وق- ءدارى، 1 جارىق- شۋ گراناتاسىن، 9 ارنايى قۇرالدى تاركىلەدى. الىنعان بارلىق قۇرالدارعا سوت- بالليستيكالىق ساراپتامالار تاعايىندالدى. پوليتسيا قىزمەتكەرلەرى قارۋ يەلەرىنىڭ تۇرعىلىقتى جەرى بويىنشا، سونداي- اق شالعايداعى 704 شارۋا قوجالىعىنا تەكسەرۋ جۇمىستارىن جۇرگىزدى.
جەدەل- الدىن الۋ شاراسى بارىسىندا 21 ادام اكىمشىلىك جاۋاپكەرشىلىككە تارتىلدى، ونىڭ ىشىندە قارۋدى ساقتاۋ ەرەجەلەرىن بۇزۋدىڭ 15 دەرەگى، قارۋدى قايتا تىركەۋدى بۇزۋدىڭ 6 فاكتىسى انىقتالدى. وسىلايشا، ءساۋىر ايىندا زاڭسىز اينالىمنان 60 قارۋ مەن 1 183 وق تاركىلەندى»، - دەدى جامبىل وبلىسى پ د باستىعىنىڭ ورىنباسارى، پوليتسيا پولكوۆنيگى نۇرجان راحمەتۋللايەۆ.
بۇعان دەيىن تارازدا قاراۋسىز عيماراتتان قارۋ- جاراق پەن وق- دارىلەر تابىلعانىن جازعان بولاتىنبىز.