ازات پەرۋاشيەۆ: ءماجىلىس سايلاۋىنا ۇسىنعان كانديداتتارىمىزدىڭ 60 پايىزى - جاڭا ادامدار
بۇل تۋرالى پارتيا ءتوراعاسى ازات پەرۋاشيەۆ ورتالىق سايلاۋ كوميسسياسىندا وتكەن بريفينگىدە ايتتى، دەپ حابارلايدى قازاقپارات ءتىلشىسى.
«نەگىزى ءبىزدىڭ ماجىلىسكە ۇسىناتىن تىزىمىمىزدە 54 ۇمىتكەر بار. 54 ۇمىتكەردىڭ ىشىندە زاڭنىڭ تالابى بويىنشا، 18 ادام، ياعني، كانديداتتاردىڭ 33,3 پايىزى - ايەل ارىپتەستەرىمىز، جاستار جانە كەمتار ازاماتتار»، - دەدى ول.
ونىڭ ايتۋىنا قاراعاندا، بۇگىن و س ك تىركەگەن تىزىمدە بۇعان دەيىن «اق جول» ق د پ اتىنان V، VI، VII شاقىرىلىمدا بولعان دەپۋتاتتار دا بار.
«قازىر ناقتى ايتا المايمىن، ءبىراق تىزىمدەگى 20 دان استام ادام جەرگىلىكتى فيليال باسشىلارى مەن وكىلدەرىنەن ىرىكتەلدى. جاڭادان كەلىپ قوسىلعان ۇزەڭگىلەستەر بار. شامامەن وزگەرگەنى 60 پايىزدان كەم ەمەس. تىزىمدەگىلەردىڭ 60 پايىزدان استامى - جاڭا ازاماتتار»، - دەدى ازات پەرۋاشيەۆ.
ەسكە سالايىق، بۇگىن و س ك «اق جولدىڭ» جانە ج س د پ- نىڭ ءماجىلىس سايلاۋىنا ۇسىنعان پارتيالىق ءتىزىمىن تىركەدى.