اۆتوكرەديت ءوتىنىمىن بۇگىن تىركەپ ۇلگەرگەندەر 60 كۇننىڭ ىشىندە كولىك الادى - ونەركاسىپتى دامىتۋ قورى
بۇل جايىندا «ونەركاسىپتى دامىتۋ قورى» ا ق باسقارما ءتوراعاسىنىڭ ورىنباسارى جانار يبراشيەۆا ب ا ق وكىلدەرىمەن وتكەن بريفينگىدە ايتتى.
«نەگىزى سايتقا 1 ميلليوننان استام پايدالانۋشى كىردى. ونىڭ ىشىندە ءوتىنىم بەرگەن 125 مىڭنان استام ازامات تىركەلدى. وسى پلاتفورماعا ەلىمىزدىڭ بارلىق ايماقتارىنان وتىنىشتەر ءتۇستى.
باعدارلاما ىسكە اسىرىلعاننان بەرى وسى ۋاقىتقا دەيىن جينالعان قاراجات 7,6 ميلليارد تەڭگە بولدى. ريەۆولەرلىك مەحانيزم بولعاندىقتان، جالپى 761 ادام تىركەلەدى دەپ جوسپارلانعان»، - دەپ ءتۇسىندىردى جانار يبراشيەۆا.
ونىڭ ايتۋىنا قاراعاندا، وسى وتىنىمدەر بويىنشا نەسيە راسىمدەۋ 60 كۇننەن اسپاۋى كەرەك.
«نەسيەمەن اۆتوكولىك الۋ جۇمىستارى 60 كۇننىڭ ىشىندە اياقتالۋعا ءتيىس. بۇگىن پالتفورماعا تىركەلگەننەن كەيىن ءوتىنىش بەرۋشى اۆتوسالونعا جانە بانككە بارىپ، ءوز جۇمىستارىن جالعاستىرادى. وسى پلاتفورما ارقىلى تىركەلگەن ازاماتتارعا 60 كۇننىڭ ىشىندە اۆتوكولىكپەن قامتامسىز ەتۋ جوسپارلانىپ وتىر»، - دەدى ول.
بۇعان دەيىن «ونەركاسىپتى دامىتۋ قورىنىڭ» باسپا ءسوز قىزمەتى 4 پايىزدىق اۆتونەسيەگە ءوتىنىم بەرۋ نەگە تىم ەرتە توقتاتىلعانىن تۇسىندىرگەن بولاتىن.