پرەزيدەنت: قازاقستان ساۋد ارابياسىنىڭ ينۆەستورلارىنا ءتۇستى مەتالدىڭ 60 كەن ورنىن ۇسىنا الادى
ەڭ الدىمەن، بۇل ەكىجاقتى ساۋدا-ساتتىققا قاتىستى، دەپ حابارلايدى اقوردانىڭ باسپا ءسوز قىزمەتى.
ونىڭ پىكىرىنشە، ىنتىماقتاستىقتىڭ مول الەۋەتىن ەكونوميكانىڭ ناقتى سەكتورىندا دا پايدالانۋعا بولادى.
- قازاقستان الەمدە ۆولفرام قورى بويىنشا 1-ورىن، ۋران مەن حروم بويىنشا 2-ورىن الادى، ال مارگانەتس، كۇمىس، مىرىش، قورعاسىن بايلىعى بويىنشا العاشقى بەستىككە كىرەدى. بۇل قورلاردى بارلاپ، زەرتتەۋ كەرەك. قارقىندى دامىپ كەلە جاتقان قىتاي مەن وڭتۇستىك ازيا نارىعىنا جاقىندىعىمىزدى ەسكەرە وتىرىپ، ينۆەستيتسيا سالۋعا، شىن مانىندە، بۇل جاقسى مۇمكىندىك. بۇگىن ءبىز بارلاۋ جانە ازىرلەمە جۇمىستارى ءۇشىن باعالى جانە ءتۇستى مەتالدىڭ 60 تان استام كەن ورنىن ۇسىنا الامىز، - دەدى مەملەكەت باسشىسى.
قازاقستان مەن ساۋد ارابياسىنىڭ مۇناي حيمياسى، اتوم ەنەرگەتيكاسى، جاسىل سۋتەگى ءوندىرىسى سالالارىن دامىتۋ، عارىشتى زەرتتەۋ جونىندە جانە باسقا دا باعىتتار بويىنشا جوسپارى بار.
- ءبىز كورولدىكتىڭ Saudi Vision-2030 ستراتەگياسى اياسىندا ءوزىنىڭ عارىشتىق باعدارلاماسىن دامىتۋعا دەگەن نيەتىن قولدايمىز. ەلدەرىمىزدىڭ عارىش كەڭىستىگىن زەرتتەۋ جانە بەيبىت ماقساتتا پايدالانۋ سالاسىنداعى ىنتىماقتاستىق ءۇشىن ءتيىستى قۇقىقتىق بازاسى بار. قازاقستاننىڭ اەروعارىش سالاسىن دامىتۋ ءۇشىن تاجىريبەسى دە، الەۋەتى دە جەتكىلىكتى. ءبىزدىڭ كومپانيالارىمىز وسى سالالار بويىنشا ساۋد ارابياسىنىڭ مەملەكەتتىك جانە جەكە كومپانيالارىمەن ءوزارا ىنتىماقتاستىق ورناتۋعا دايىن، - دەدى قاسىم-جومارت توقايەۆ.
