07:40, 22 - شىلدە 2022 | GMT +5
اقمولا وبلىسىنىڭ 60 جاستاعى تۇرعىنى كورشىسىن اتىپ ءولتىردى
كوكشەتاۋ. قازاقپارات - اقمولا وبلىسىنىڭ ەرەيمەنتاۋ قالاسىندا كورشىسىن اتىپ ولتىرگەن 60 جاستاعى جەرگىلىكتى تۇرعىننىڭ ۇستىنەن قىلمىستىق ءىس قوزعالدى، دەپ حابارلايدى قازاقپارات ءتىلشىسى.
اقمولا وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قاندى قىلمىس بۇگىن بولعان.
«ەرەيمەنتاۋ قالاسىنىڭ 38 جاستاعى تۇرعىنىن ءولتىرۋ دەرەگى بويىنشا قىلمىستىق كودەكستىڭ 99-بابى 1-بولىگى بويىنشا سوتقا دەيىنگى تەرگەۋ باستالدى. وسى قىلمىسقا كۇدىكتى رەتىندە 60 جاستاعى كورشىسى ۇستالىپ، قارۋ تاركىلەندى. سونىمەن بىرگە، وقيعا كۋاگەرلەرى دە انىقتالدى. قىلمىستىق ءىستى تەرگەۋ شەڭبەرىندە ءتيىستى ساراپتامالار تاعايىندالدى»، - دەدى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
