قىزىلاعاش سۋ قويماسىنىڭ ماڭىنان 60 ۇساق مالدىڭ ولەكسەسى تابىلدى

تالدىقورعان. قازاقپارات - جەتىسۋ وبلىسىنداعى اقسۋ اۋدانىنىڭ اكىمدىگى سۋ قويماسى جاعاسىنان تابىلعان مال ولەكسەلەرىنە تۇسىنىكتەمە بەردى، دەپ حابارلايدى قازاقپارات ءتىلشىسى.

قىزىلاعاش اۋىلدىق وكرۋگى «پلاتينا» اۋماعىندا بولجام بويىنشا سۋعا قۇلاپ، تۇنشىققان 8 باس ەشكى، 9 باس قوزى، 43 باس قوي شىعىن بولدى. جاعداي شامامەن جۇما- سەنبى كۇندەرى بولعان.

«مال ولەكسەلەرى سۋدان شىعارىلىپ، قىزىلاعاش اۋىلىنداعى مال قورىمىنا اپارىپ تاستالدى. قازىرگى مەزەتتە قۇلاق جاپسىرمالارىنا ا ش ج ب دەرەكقورىنان قاراۋ ارقىلى تالداۋ جاسالىنىپ، مال يەسىن انىقتالىپ جاتىر. مال يەسى انىقتالعان جاعدايدا اكىمشىلىك قۇقىق بۇزۋ تۋرالى كودەكسى بويىنشا اكىمشىلىك شارا قولدانىلادى. بولجام بويىنشا مال جازعى جايىلىمعا كوشىرىلىپ بارا جاتقان» دەلىنگەن اقسۋ اۋدانى اكىمىنىڭ باسپا ءسوز قىزمەتى تاراتقان حابارلامادا.

ايتا كەتەيىك، مال ولەكسەلەرىنىڭ ۆيدەوسى جەلىگە جاريالانعان بولاتىن.

اۆتور: سامال قابىشەۆا