گەرمانيادا 60 مىڭ ۋكراينالىق بالا مەكتەپكە باردى

جەكەمەنشىك قايىرىمدىلىق ۇيىمدارى دا ساباق بەرۋگە كىرىسكەن. ءبىراق ميگرانتتار وتە كوپ بولعاندىقتان، مۇعالىم جەتىسپەيدى. سوندىقتان نەمىس مەكتەپتەرى ۋكراينالىق پەداگوگتاردى كوپتەپ ورنالاستىرىپ جاتىر. بۇدان باسقا، گەرمانيا مۇعالىمدەر وداعى زەينەتكە شىققان ارداگەر ۇستازداردى دا ءبىلىم بەرۋ ۇدەرىسىنە قاتىستىرۋدى ۇسىندى. وسى سوعىس باستالعالى، ياعني 6 اپتادا گەرمانياعا 340 مىڭ ۋكراينالىق كەلگەن. ونىڭ كوبى - ايەلدەر مەن بالالار.
ۆولفگانگ بيۋشەر، «Die Arche»بالالار قايىرىمدىلىق ۇيىمىنىڭ باسپا ءسوز حاتشىسى:
- ءبىزدىڭ جوبامىزدىڭ ارقاسىندا ۋكراينالىق بوسقىنداردىڭ بالالارى وقۋدى جالعاستىرا الادى. ۋكراينادا مۇعالىم بولىپ ىستەگەن مامانداردى دا جۇمىسقا ورنالاستىرىپ جاتىرمىز. بالالار ساباققا قۋانا- قۋانا قاتىسىپ، ءوزىن ۇيىندە جۇرگەندەي سەزىنۋدە. قازىر بەرليندە، فرانكفۋرت پەن كيەلندە 400-دەي وقۋشى ءبىلىم الىپ جاتىر. بالالار مەن اتا- انالارىنا تاڭەرتەڭ جانە تۇستە تاماق بەرەمىز. ءبارى تەگىن.
www.24.kz