گايتيدە جانارماي تاسىمالدايتىن كولىك جارىلىپ، 60 ادام قايتىس بولدى
جارىلىس سالدارىنان تاعى 50 ادام جاراقات الدى. سەيسەنبى كۇنى Le Nouvelliste باسىلىمى جەرگىلىكتى بيلىك وكىلدەرىنە سىلتەمە جاساپ، جارىلىس بولعان ايماقتا 20 عيماراتقا زاقىم كەلگەنىن حابارلادى. گايتي بيلىگى ءۇش كۇندىك ازا تۇتۋ كۇنىن جاريالادى.
«ۇكىمەت پەن گايتي تۇرعىندارىنىڭ اتىنان قايعىلى وقيعا سالدارىنان قازا بولعانداردىڭ جاقىندارى مەن ودان زارداپ شەككەندەردىڭ تۋىستارىنا كوڭىل ايتامىن. ەل اۋماعىندا ءۇش كۇندىڭ ازا تۇتۋ كۇنى جاريالانادى»، - دەپ جازدى گايتيدىڭ پرەمەر- ءمينيسترى اريەل انري ءوزىنىڭ Twitter- دەگى پاراقشاسىندا.
الدىن الا مالىمەتتەر بويىنشا، اۆتوتسيستەرنا جەرگىلىكتى ۋاقىت بويىنشا ءتۇن جارىمىندا جول بويىندا اۋدارىلىپ قالعان. وقيعا بولعان جەردەن ءوتىپ بارا جاتقاندار وسى جاعدايدى پايدالانىپ، كولىكتەرىنىڭ باكتارىن بەنزينگە تولتىرىپ العان. ءبىر ساتتە جارىلىس بولىپ، ونىڭ سالدارىنان كوپتەگەن ادامدار مەرت بولعان جانە ماتەريالدىق شىعىن دا كەلتىرىلگەن. جارىلىس سالدارىنان كۇيىپ قالعان 50 گە جۋىق ادام اۋرۋحانادا جاتىر.
