اقتوبەلىك 60 جاسىندا العاش رەت قازاقستاننىڭ ءتولقۇجاتىن الدى
شالقار اۋدانىنىڭ تۇرعىنى وبلىستىق پوليتسيا دەپارتامەنتىنە بارىپ، ءۇش اي بۇرىن ءوتىنىش جازدى. ابۋمالىك وماروۆ سوۆەت وداعى ءتولقۇجاتىن دەر كەزىندە وزگەرتپەي، 30 جىل بويى جەكە كۋالىكسىز جۇرگەن. وبلىستىق پ د كوشى-قون پوليتسيا قىزمەتكەرلەرى قۇجاتىن راسىمدەپ بەردى.
«60 جاسقا كەلگەندە العاش رەت ءتولقۇجاتىمدى الىپ وتىرمىن. قۇجاتتاردى راسىمدەۋگە كومەكتەسكەن كوشى-قون پوليتسياسى قىزمەتكەرلەرىنە العىسىم شەكسىز»، - دەيدى شالقار اۋدانىنىڭ تۇرعىنى ابۋمالىك وماروۆ.
«وسى ۋاقىتقا دەيىن سوۆەت وداعى پاسپورتىمەن جۇرگەن ابۋمالىك وماروۆ بۇدان بىلاي بارلىق مەملەكەتتىك ورگانداردان قاجەتتى قۇجاتتارىن، ءوزىنىڭ كونستيتۋتسيالىق قۇقىقتارىن قولدانۋىنا بولادى»، - دەپ اتاپ ءوتتى پوليتسيا مايورى ج. تاجيەۆ.
ايتا كەتەيىك، بىلتىر ازاماتتىعى ايقىندالماعان، جارامسىز قۇجاتتارمەن جۇرگەن 20 ازامات قازاقستان رەسپۋبليكاسىنىڭ جەكە كۋالىگىن الدى.
اۆتور: التىناي ساعىندىقوۆا
