ماسكا قۇنىن 60 تەڭگە شاماسىنا دەيىن ارزانداتۋ كەرەك - پرەزيدەنت

«قورعانىس ماسكالارىنا باعانى ەلەۋلى سومادا تومەندەتۋدى قامتاماسىز ەتۋ ماڭىزدى. ولاردىڭ قۇنى باسقا ەلدەرمەن سالىستىرعاندا، ونىڭ ىشىندە رەسەيگە قاراعاندا بۇرىنعىسىنشا ايتارلىقتاي جوعارى بولىپ تۇر. ۇكىمەت ماسكانىڭ شەكتى بولشەك ساۋدا باعاسىن 60 تەڭگە شاماسىندا بەلگىلەۋدى جوسپارلاپ وتىر. ماعان حابارلاعانداي، رەسەيدە ونىڭ قۇنى 20 دان 30 تەڭگەگە»، - دەدى مەملەكەت باسشىسى.

وسى ورايدا پرەزيدەنت باسەكەلەستىكتى قورعاۋ جانە دامىتۋ اگەنتتىگىنە باعاعا قاتىستى تالداۋ جۇرگىزۋدى، سونداي-اق زەرتحانالىق قىزمەتتەر مەن جەكە قورعانىس زاتتارى باعىتىندا باعا ساياساتىنىڭ مونيتورينگىن قامتاماسىز ەتۋدى تاپسىردى. بۇدان بۇرىن حابارلانعانداي، مەملەكەت باسشىسى ەلىمىزدە كوروناۆيرۋسقا قاتىستى تەستىلەۋ باعاسى ءالى دە جوعارى ەكەنىن ايتىپ، بۇل تۇرعىدا ءتيىستى شەشىم قابىلداۋدى جۇكتەدى.

اۆتور: رۋسلان عابباسوۆ