پاندەميا «ءبىر بەلدەۋ، ءبىر جول» جوبالارىنىڭ %60 كەرى اسەر ەتتى
بۇل تۋرالى جۇما كۇنى اتالمىش باستاما شەڭبەرىندەگى حالىقارالىق ىنتىماقتاستىق بويىنشا جوعارى دەڭگەيدەگى ۆيدەوكونفەرەنتسيا قورىتىندىسىنا ارنالعان بريفينگتە ق ح ر س ءى م حالىقارالىق ەكونوميكا دەپارتامەنتىنىڭ باسشىسى ۆان سياولۋن ءمالىم ەتتى، دەپ حابارلايدى «قازاقپارات» ح ا ا مەنشىكتى ءتىلشىسى.
«جوبالاردىڭ 20 پايىزعا جۋىعى قاتتى زارداپ شەكتى، 40 پايىزىنا قانداي دا ءبىر دارەجەدە كەرى اسەرى ءتيدى. قالعان 40 پايىزى كەستەگە سايكەس ىسكە اسىرىلۋدا»، - دەپ اتاپ ءوتتى قىتايلىق ديپلومات.
ۆان سياولۋن قىتايلىق تاراپتىڭ ۇزاق مەرزىمدى ترانسشەكارالىق جوبالارعا قىزىعۋشىلىق تانىتىپ وتىرعانىن جانە ولاردى تەز ارادا ىلگەرىلەتۋگە مۇددەلى ەكەنىن اتاپ ءوتتى. ستاتيستيكالىق مالىمەتتەرگە سايكەس، اعىمداعى جىلدىڭ ءبىرىنشى توقسانىندا ء«بىر بەلدەۋ، ءبىر جول» باستاماسىنا قاتىسۋشى ەلدەرگە قىتايدىڭ قۇيعان ينۆەستيتسياسى 11,7 پايىزعا ءوستى، ال تاۋار اينالىمى 3,2 پايىزعا ارتقان.
«قىتاي-ەۋروپا» باعىتى بويىنشا تەمىرجول ارقىلى جۇك تاۋارلارىن تۇراقتى تۇردە تاسىمالداۋ رەيستەرى مەن جۇك اينالىمى 2020-جىلدىڭ ءتورت ايىندا وتكەن جىلدىڭ وسىنداي كەزەڭىمەن سالىستىرعاندا تيىسىنشە 24 جانە 27 پايىزعا جوعارى بولدى.
ەسكە سالا كەتسەك، «ءبىر بەلدەۋ، ءبىر جول» باستاماسىنا ەكى جوبا - «جىبەك جولىنىڭ ەكونوميكالىق بەلدەۋى» جانە «21- عاسىرداعى تەڭىز جىبەك جولى» جوبالارى بىرىكتىرىلگەن.
