الماتى وبلىسىندا باۋكەسپە جايىلىمنان 60 باس قويدى ۇرلاپ كەتكەن
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 17 - ماۋسىمدا جامبىل اۋدانىنىڭ پوليتسياسىنا الماتى قالاسىنىڭ 54 جاستاعى تۇرعىنى ارىز تۇسىرگەن. جالپى شىعىنىڭ 3 ميلليون تەڭگەدەن استام سوماعا باعالاعان ارىزدانۋشى جايىلىمنان 60 قويى ۇرلانعانىن جەتكىزگەن. اتالعان دەرەك ق ر ق ك- ءنىڭ 188-1-بابىنىڭ 2-بولىگى 2-تارماعى بويىنشا تىركەلدى. ءتارتىپ ساقشىلارى ءبىر كۇن ىشىندە بۋرگان اۋىلىنىڭ 41 جاستاعى تۇرعىنىن انىقتاپ، ۇستادى. ول ۇرلىق جاساعانىن تولىق مويىندادى.
ءىز كەسۋشىلەر كۇدىكتىدەن 4 قويدى تاركىلەگەن جانە ول وزىنەن 55 باس ۇساق مالدى ساتىپ العان ادامدى كورسەتكەن. تاعى ءبىر قوي كۇدىكتىنىڭ تانىسىنان الىندى. بارلىق ۇرلانعان مال زاڭدى يەسىنە قايتارىلدى. ۇستالعان ازامات بۇرىن مال ۇرلىعى ءۇشىن ەكى رەت سوتتى بولعان. قازىر ول ۋاقىتشا ۇستاۋ وقشاۋلاعىشىنا قامالدى. سوتقا دەيىنگى تەرگەۋ امالدارى شەڭبەرىندە ونىڭ وسىعان ۇقساس باسقا دا قىلمىستارعا قاتىسى بار- جوعى تەكسەرىلەدى.
اۆتور: سامال قابىشيەۆا
