12:05, 31 - مامىر 2020 | GMT +5
قازاقستاننىڭ 60 ازاماتى كاتاردان ورالدى
نۇر-سۇلتان- دوحا. قازاقپارات - سەنبى كۇنى، ياعني 30 - مامىردا اراب ەلىندە تۇرىپ جاتقان قازاقستان ازاماتتارى مىنگەن چارتەرلىك رەيس كاتار استاناسى دوحادان قازاقستانعا ۇشىپ كەلدى، دەپ حابارلايدى قازاقپارات.
«رەپاترياتسيالىق رەيس قازاقستان ەلشىلىگى، كاتار رەسپۋبليكاسىنىڭ اۆياتسيا بيلىگى، Qatar Airways جانە Air Astana اۋە كومپانيالارىمەن بىرلەسىپ ۇيىمداستىرىلدى. كارانتيندىك شارالاردان كەيىن اراب مەملەكەتىندە قالىپ قويعان 60-قا جۋىق قازاقستان ازاماتى وتانىنا ورالدى. ەلشىلىك كاتار مەملەكەتتىك ورگاندارى مەن Air Astana اۋە كومپانياسىنا كورسەتكەن كومەگى ءۇشىن العىس بىلدىرەدى»، - دەپ اتاپ ءوتتى كاتارداعى ق ر ەلشىسى اسقار شوقىبايەۆ.
اۆتورى: ارنۋر راقىمبەكوۆ
