پاندەميا سالدارىنان 60 ميلليون ادام تاقىر كەدەيشىلىككە ۇشىراۋى مۇمكىن - دۇنيەجۇزىلىك بانك
ءتيىستى مالىمدەمە سەيسەنبى كۇنى ۇيىمنىڭ سايتىندا جاريالاندى، دەپ حابارلايدى قازاقپارات.
«پاندەميا جانە دامىعان ەكونوميكالاردىڭ توقتاپ تۇرۋى 60 ميلليونعا جۋىق ادامدى كەدەيلىككە اكەلۋى مۇمكىن. بۇل جاقىندا كەدەيلىكپەن كۇرەس جۇمىستارىنىڭ ايتارلىقتاي بولىگىن جوققا شىعارادى»، - دەپ مالىمدەدى مەلپاس.
ول ەكونوميكالىق وسىمگە ورالۋ ءۇشىن توتەنشە جاعدايعا تەز جانە يكەمدى ارەكەت ەتۋ، حالىقتىڭ كەدەي توپتارىنا، ونىڭ ىشىندە اقشالاي كومەك كورسەتۋ، جەكە سەكتوردى قولداۋ جانە ەكونوميكانىڭ تۇراقتىلىعىن نىعايتۋ قاجەت ەكەنىن اتاپ ءوتتى.
مالىمدەمەدە دۇنيەجۇزىلىك بانك الەم حالقىنىڭ %70 قۇرايتىن 100 ەلدە ىندەتپەن كۇرەسۋگە كومەكتەسكەنى ايتىلعان.
جالپى العاندا، دۇنيەجۇزىلىك بانك 15 اي ىشىندە پاندەميا زارداپتارىمەن كۇرەسۋ ءۇشىن دامۋشى ەلدەرگە گرانتتار، نەسيەلەر جانە ينۆەستيتسيالار تۇرىندە 160 ميلليارد ا ق ش دوللارىن ءبولۋدى ءوز مىندەتىنە العان.
