پاۆلودار وبلىسى قازاقستانداعى كومىردىڭ 60 پايىزىن وندىرەدى
وبلىستىق ستاتيستيكا دەپارتامەنتىنىڭ مالىمدەۋىنشە، 2019-جىلعى قاڭتار- شىلدەدەگى تاس كومىر جانە ليگنيت 73,4 ميلليارد تەڭگە سوماسىندا ءوندىرىلدى. ول جالپى وبلىس ونەركاسىبى كولەمىندە 6,5 پايىزدى قۇرايدى.
- كومىر ءوندىرۋ بويىنشا پاۆلودار وبلىسى رەسپۋبليكادا ءبىرىنشى ورىندا (38 ميلليون توننا). - دەدى دەپارتامەنتتە. - مەملەكەتىمىزدىڭ جالپى كومىر وندىرىسىندەگى (62,4 ميلليون توننا) پاۆلودار وبلىسىنىڭ ۇلەس سالماعى 60,8 پايىز.
كەلەسى كەزەكتە قاراعاندى وبلىسى - 32,9 پايىز جانە شىعىس قازاقستان وبلىسى - 6,1 پايىز. بيىلعى قاڭتار- شىلدەدە كومىر جانە ليگنيت وندىرىسىنە سالىنعان ينۆەستيتسيا 12,9 ميلليارد تەڭگەنى قۇرادى. بۇل - بىلتىرعى سايكەس كەزەڭ دەڭگەيىنەن 2,1 ەسە تومەن كورسەتكىش.
ايتا كەتەيىك، 2019-جىلعى قاڭتار-ماۋسىمدا كومىر ونەركاسىبى جۇمىسشىلارىنىڭ وبلىستىق ورتاشا ايلىق ەڭبەكاقىسى 216005 تەڭگەنى قۇرادى، بۇل - رەسپۋبليكالىق كورسەتكىشتەن 19,9 پايىزعا (269604 تەڭگە) تومەن جانە وبلىستىڭ ونەركاسىبى ەڭبەكاقىسىنان 10,6 پايىز جوعارى.
