شەتەلدىك وقۋ ورىندارىندا 60 مىڭ قازاقستاندىق ءبىلىمىن شىڭداپ جاتىر
بۇل تۋرالى نازاربايەۆ ۋنيۆەرسيتەتىنىڭ تۇلەكتەرىمەن كەزدەسۋدە ق ر تۇڭعىش پرەزيدەنتى - ەلباسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات ءتىلشىسى.
«بولاشاق» باعدارلاماسىن وسى ۋاقىتقا دەيىن حالىقارالىق رەيتينگتەر بىرنەشە رەت تورىنە شىعارعان بولاتىن. باتىس ەلدەرىندە جاستار ءبىر جىل وقىپ، كەلەسى جىلى وقۋىن جالعاستىرۋ ءۇشىن جۇمىسقا ورنالاسادى. وسىلايشا، ءوزىن- ءوزى وقىتادى. «بولاشاق» باعدارلاماسى اتا- انالارعا سەرپىن بەرىپ، ولار بالالارىن الەمنىڭ ۇزدىك وقۋ ورىندارىنا جىبەرە باستادى. قازىرگى تاڭدا 60 مىڭ جاس قازاقستاندىق قازاقستاننان تىس ج و و- لاردا ءبىلىمىن شىڭداپ جاتىر. الەمدىك ساناتتاعى ءبىزدىڭ ۋنيۆەرسيتەتتىڭ قۇرىلۋى - ەلدەگى ادام كاپيتالىن دامىتۋدىڭ كەلەسى قادامى بولعانى انىق. ءاۋ باستا كوپ ادام بۇل باستامامىزعا سەنىمسىزدىك بىلدىرگەن ەدى. ءتىپتى بۇگىن دە بۇل بايلار مەن ەليتالارعا ارنالعان وقۋ دەگەندى ەستىپ قالىپ جاتامىز. سىزدەر ولاي ەمەس ەكەنىن دالەلدەدىڭىزدەر»، - دەدى ەلباسى.
تۇڭعىش پرەزيدەنت ءوز سوزىندە نازاربايەۆ ۋنيۆەرسيتەتىنە جاستار تەك بىلىمىمەن تۇسە الاتىنىن ءمالىم ەتتى. بۇل ءسوز زالدان قولداۋ تاۋىپ، ءسوز سوڭى ۇزاق شاپالاققا ۇلاستى.
«وسى ۋنيۆەرسيتەتكە تۇسەتىندەي الەۋەت جيناۋ ءۇشىن مەن قازاقستاننىڭ بارلىق ايماقتارىندا نازاربايەۆ زياتكەرلىك مەكتەبىن اشتىم. ەلدىڭ تۇكپىر- تۇكپىرىنەن جاس بالالار كەلىپ، ءبىلىمىن دالەلدەپ، مەكتەپتەردە وقىپ جاتىر. مىنە، ءدال سول مەكتەپتەردەن بالالار وسى ج و و- عا ءتۇسىپ جاتىر. ن ز م- ءنىڭ دە سىنعا ىلىگىپ قالاتىنى بار. دەسە دە، ول جەردە ادىلەتسىزدىك بار دەپ ەشكىم ايتا المايدى. بۇل - ءبىزدىڭ ەلدەگى ەڭ اشىق مەكتەپ. بارلىق جەردە وسىنداي بولسا دەيمىن. 9 جىلدىڭ ىشىندە ۋنيۆەرسيتەت قازاقستاننىڭ برەندىنە اينالدى»، - دەدى نۇرسۇلتان نازاربايەۆ.
ەلباسىنىڭ ايتۋىنشا، ن ۋ جوباسى ت م د اۋماعىندا جەتەكشى ماڭىزعا يە وقۋ ورداسىنا اينالدى.
«رەسەيدى قوسقاندا بارلىق ج و و رەيتينگىنە كوز جۇگىرتسەك، ءبىز جوعارى تۇرمىز. ۋنيۆەرسيتەتتىڭ ساپاسى جوعارى ەكەنىن وسىدان بىلە بەرىڭىزدەر. ساپالى ءبىلىم الىپ كەلە جاتقان سىزدەر - ەڭ باقىتتى جاس بۋىنسىزدار»، - دەدى ول.
ەسكە سالا كەتسەك، نازاربايەۆ ۋنيۆەرسيتەتىندە سالتاناتتى تۇردە V وقۋ ءبىتىرۋ ءراسىمى ءوتىپ جاتىر. بيىل اتالمىش ۋنيۆەرسيتەتتەگى تۇلەكتەر سانى - 963 ستۋدەنت. ونىڭ ىشىندە 565 ستۋدەنت - باكالاۆريات، 378 ستۋدەنت - ماگيستراتۋرا، 14- ءى- مەديتسينا دوكتورى جانە 6 ستۋدەنت - دوكتورانتۋرا باعدارلاماسى بويىنشا وقۋ ءبىتىرىپ جاتىر.
تۇلەكتەردىڭ كوپشىلىگى - عىلىم جانە تەحنولوگيالار مەكتەبىنىڭ (270 تۇلەك)، ينجەنەريا مەكتەبىنىڭ (225 تۇلەك)، گۋمانيتارلىق جانە الەۋمەتتىك عىلىمدار مەكتەبىنىڭ (168) باكالاۆريات باعدارلاماسىنىڭ ستۋدەنتتەرى. ماگيسترلىك باعدارلاما بويىنشا جوعارى بيزنەس مەكتەبىن - 82 ستۋدەنت، جوعارى ءبىلىم بەرۋ مەكتەبىن - 80 تۇلەك، جوعارعى مەملەكەتتىك ساياسات مەكتەبىن - 49 تۇلەك، ينجەنەريا مەكتەبىن - 70 تۇلەك، عىلىم جانە تەحنولوگيالار مەكتەبىن - 34 تۇلەك، گۋمانيتارلىق جانە الەۋمەتتىك عىلىمدار مەكتەبىن - 19 تۇلەك، مەديتسينا مەكتەبىن - 27 تۇلەك، تاۋ- كەن ءىسى جانە جەر تۋرالى عىلىم مەكتەبىن - 20 تۇلەك اياقتاعان.
اۆتور: ايان بەكەن ۇلى