الماتى وبلىسىنىڭ تۇرعىنى 60 الەۋمەتتىك جەلى قولدانۋشىسىن تاقىرعا وتىرعىزدى

تالدىقورعان. قازاقپارات - استانا قالاسىنداعى سارى ارقا اۋداندىق پوليتسيا باسقارماسىنىڭ ءتارتىپ ساقشىلارى الماتى وبلىسى تۇرعىنىنىڭ ۇستىنەن سوتالدى تەرگەۋ جۇرگىزىپ جاتىر.

21 جاستاعى كۇدىكتى Instagram جانە كونتاكتە الەۋمەتتىك جەلىلەرى ارقىلى قولدانۋشىلاردىڭ سەنىمىنە كىرىپ، الداپ سوققان، دەپ حابارلايدى قازاقپارات ءتىلشىسى.

ازىرگە پوليتسەيلەر 60 فاكتىنى انىقتاعان. ياعني، كۇدىكتى ءوزىنىڭ پيعىلىن «betgames»، «bumazhki2017 اككاۋنتتارى ارقىلى جۇزەگە اسىرىپ وتىرعان. ول جەلى قولدانۋشىلارىنا سپورتتىق ويىندارعا اقشا تىگۋ ارقىلى، ولاردىڭ قاراجاتتارىن بىرنەشە ەسەگە كوبەيتىپ بەرۋدى ۋادە ەتكەن. الماتى وبلىسىنىڭ تۇرعىنى وزىنە سەنگەن ادامدارعا 5 مىڭ - 100 مىڭ تەڭگە ارالىعىنداعى اقشانى Qiwi شوتىنا اۋدارتقىزعان. كۇدىكتى اقشانى ءبىر تاۋلىكتىڭ ىشىندە بىرنەشە ەسە ەتىپ قايتارىپ بەرەمىن دەپ ۋادە بەرىپ، ءبىراق كەرى قايتارماعان.

قازىر وسى فاكتىگە بايلانىستى ق ر ق ك «الاياقتىق» بابى بويىنشا ءىس قوزعالىپ، تەرگەۋ ءجۇرىپ جاتىر. قازىر پوليتسەيلەر وسىنداي جاعدايعا تاپ بولىپ، زارداپ شەككەندەر بار بولسا، سارى ارقا اۋدانىنداعى اقبۇعى 4 -كوشەسىندەگى پوليتسيا بولىمىنە نەمەسە 87011214178، 87212716613 جانە 102 نومەرلەرىنە دەرەۋ حابارلاسۋدى سۇرايدى.