ميلليونەر بومبادان امان قالۋدى ويلاپ ءۇيىنىڭ استىنان 60 مەترلىك بۋنكەر سالعىزعان

امەريكالىق ميلليونەر ءۇي استىنان بۋنكەر سالعان جۇمىسشىنىسىڭ قازاسى ءۇشىن ءىستى بولىپ جاتىر. ميلليونەر وسىلايشا ك ح د ر- مەن سوعىسقاندا امان قالۋدى ويلاعان.

 امەريكانىڭ بەتەسدا قالاسىندا بيرجا ساۋداسىندا تابىس تاپقان 27 جاستاعى دەنيەل بەكۆيتت قاساقانا ادام ءولتىرۋ جانە ەكىنشى دەڭگەيدەگى ادام ءولتىرۋ (ويى بولعان، ءبىراق الدىن الا جوسپارلانباعان) ءىسى بويىنشا سوتتالىپ جاتىر. ءبىرىنشى قىلمىس بويىنشا 10 جىلعا دەيىن، ەكىنشى قىلمىس بويىنشا 30 جاسقا دەيىن سوتتالۋى مۇمكىن.

2017 -جىلى قىركۇيەك ايىندا بەكۆيتتىڭ ءۇيى ورتەنەدى. جالىندى وشىرگەندە، استىڭعى قاباتتان ەر ادامنىڭ كۇيگەن دەنەسى تابىلادى. ونىڭ جانىندا تەرەڭدىگى 6 مەتر بولاتىن جەراستى وتكەلى بولعان. وتكەلدىڭ ۇزىندىعى 61 مەتردى قۇرايدى.

بەكۆيت سولتۇستىك كورەيانىڭ كونتينەتارالىق بالليتيكالىق زىمىران شىعارعانىن جاڭالىقتاردان ەستىپ قورقا باستايدى. اقىرىندا سوعىس كەزىندە تىعىلاتىن پانا جاساۋ كەرەك ەكەنىن ويلايدى. بۋنكەردى 21 جاستاعى جىگىت جاساعان. ميلليونەر جۇمىسشى بۋنكەردىڭ قايدا ورنالاسقانىن بىلمەۋ ءۇشىن ونىڭ كوزىنە جابىق كوزىلدىرىك تاعىپ، باسقا شتاتقا بارا جاتىرمىز دەپ الداپ اكەلەدى.

اقشاسى كوپتىگىنە قاراماستان ميلليونەر قوقىس اراسىندا ءومىر سۇرگەن. جەروتكەلگە قاراي جۇرگىزىلگەن گيرلياند توقتارىنان وت تۇتانىپ، سودان ءورت شىققان.

ميلليونەردىڭ ادۆوكاتى ونىڭ جۇمىسشىنى ورتتەن شىعارماق بولعانىن ايتادى. الايدا جۇمىسشى يىسكە ۋلانىپ قالعان.

ساراپتاما ناتيجەسىندە دە جۇمىسشىنىڭ يىستەن ۋلانىپ، كۇيىك شالعانى ايتىلدى.

 Stan.kz