الىستاعى قىتايلىق دوسىما: 60 جىل بۇرىن نازاربايەۆپەن حات ارقىلى دوس بولعان قىتاي ازاماتىنىڭ وتباسى تابىلدى
بۇدان 60 جىل بۇرىن ەلباسىمەن حات ارقىلى دوس بولعان جوۋ باي-شياو ونىڭ بولاشاقتا قازاقستاننىڭ تۇڭعىش پرەزيدەنتى بولاتىنىن بىلمەگەن.
بۇل تۋرالى CGTN ارناسى تۇسىرگەن دەرەكتى فيلمدە حابارلاندى، دەپ جازادى Stan.kz اقپاراتتىق اگەنتتىگى.
وسىدان 60 جىل بۇرىن 1957 -جىلدىڭ 5 -قاراشاسىندا قىتايدىڭ سىگۋن قالاسىندا مۇعالىم بولىپ جۇمىس ىستەيتىن جاس جىگىت سوۆەت وداعىنىڭ ورتالىق كوميتەتىنە حات جولداعان. سول ۋاقىتتا قىتايدىڭ كومسومول قاتارىندا بولعان جاس مۇعالىم حات ارقىلى سوۆەت جاستارىنىڭ اراسىنان دوس ىزدەمەكشى بولعان. قىتايلىق مۇعالىمنىڭ جازعان حاتى ءتورت ايدان كەيىن قازاق س س س ر-نىڭ قاسكەلەن اۋىلى اباي اتىنداعى ورتا مەكتەپتىڭ وقۋشىسى نازاربايەۆتىڭ قولىنا تۇسكەن.
ءيا، بۇل حات قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ قولىنا تۇسكەن. جاس نازاربايەۆ سوناۋ قىتايدان كەلگەن دوستىق حاتقا قۋانا جاۋاپ بەرگەن.
نازاربايەۆتىڭ «الىستاعى قىتايلىق دوسىما» اتتى حاتىنىڭ تاريحى 1958 -جىلى 16 -ناۋرىزدا جەرگىلىكتى باسىلىمعا جاريالاندى. ال 1957 -جىلى قىتاي مەن قازاق جاستارىنىڭ جازىسقان دوستىق حاتىنىڭ ءماتىنى قازاقستاننىڭ تۇڭعىش پرەزيدەنتىنىڭ مۇراجايىندا ساقتاۋلى.
بۇل ماقتان تۇتارلىق حاتتى كورگەن قىتاي جۋرناليستەرى نۇرسۇلتان نازاربايەۆقا حات جازىپ، ونىڭ الىستاعى دوسىن ىزدەپ تابۋ ماقساتىندا بۇكىل ارحيۆتەردى اقتارىپ، ونى سۋرەتى بويىنشا ىزدەپ تاپقان. حات جىبەرىلگەن مەكتەپتىڭ مەكەن-جايى بويىنشا ەلباسىمەن حات ارقىلى دوس بولعان قىتاي ازاماتىنىڭ وتباسى تابىلىپ، نازاربايەۆپەن ءوزارا دوس بولعان مەكتەپ مۇعالىمىنىڭ ءومىرى تۋرالى دەرەكتەر بەلگىلى بولدى.
