قازاقستان- قىتاي شەكاراسىندا قۇنى 60 ميلليون تەڭگەنىڭ كونتراباندالىق زاتى تاركىلەندى

تالدىقورعان. قازاقپارات - الماتى وبلىسىنداعى «التىنكول» كەدەن بەكەتىنىڭ «قالجات» وتكىزۋ پۋنكتىندە ەكونوميكالىق تەرگەۋ قىزمەتى وبلىستىق مەملەكەتتىك كىرىس دەپارتامەنتىنىڭ كەدەنشىلەرىمەن بىرگە اسا ءىرى كولەمدە ەكونوميكالىق كونتراباندانىڭ جولىن كەستى، دەپ حابارلايدى قازاقپارات ءتىلشىسى ق ر قارجى مينيسترلىگىنىڭ مەملەكەتتىك كىرىس كوميتەتىنە سىلتەمە جاساپ.

كەدەندەگى تەكسەرۋ شارالارى بارىسىندا قۇنى 60 ميلليون  تەڭگەدەن اساتىن حالىق تۇتىناتىن تاۋارلارعا دەكلاراتسيا تولتىرىلماعانى انىقتالدى. بۇل تاۋارلارداعى كەدەن تولەمدەرى مەن سالىق كولەمى 13 ميلليون تەڭگە قۇراعان. الماتى وبلىستىق مەملەكەتتىك كىرىستەر دەپارتامەنتىنىڭ ەكونوميكالىق تەرگەۋ قىزمەتى تاراپىنان ق ر ق ك 234 - بابى، 2 - بولىگى، 4- تارماعى بويىنشا سوت الدى تەرگەۋ باستالدى. جالپى وبلىس اۋماعىندا ەكونوميكالىق تەرگەۋ قىزمەتى كەدەندىك زاڭبۇزۋشىلىق بويىنشا بىلتىر 47 ءىستى سوتقا جىبەرگەن.