قازاق قىزى ۇزدىك 60 تەننيسشىنىڭ قاتارىنا ەندى

استانا. قازاقپارات - قازاقستاندىق زارينا دياس ۇزدىك 60 تەننيسشىنىڭ قاتارىنا ەندى، دەپ حابارلايدى «قازاقپارات» ءتىلشىسى.

ايەلدەر تەننيس قاۋىمداستىعىنىڭ (WTA) جاڭارتىلعان رەيتينگىندە زارينا بىردەن التى ساتىعا كوتەرىلىپ، 60- ورىنعا جايعاستى. قازاقستاننىڭ ءبىرىنشى راكەتكاسى يۋليا پۋتينتسيەۆا بۇرىنعىشا 50- ورىندا كەلەدى.

الەمدىك رەيتينگتىڭ كوشىن رۋمىنيالىق سيمونا حالەپ باستاسا، سودان كەيىنگى ەكىنشى، ءۇشىنشى ورىندى دانيالىق كارولين ۆوزنياتسكي مەن يسپانيالىق گاربينە مۋگۋرۋسا بولىسۋدە.

ەسكە سالا كەتەيىك، قىتايدىڭ شىنجىن قالاسىندا قالاسىندا وتكەن حالىقارالىق تۋرنيردە ز. دياس شيرەك فينالعا دەيىن جەتىپ، رەسەيلىك ماريا شاراپوۆاعا جول بەرگەن بولاتىن.

ال كەشە حوبارت (اۆستراليا) تۋرنيرىندە جاپونيالىق ناومي وساكانى ۇتقان يۋليا پۋتينتسيەۆا ەكىنشى اينالىمدا وسى جارىستىڭ بەسىنشى راكەتكاسى، ۋكراينالىق لەسيا تسۋرەنكومەن كۇش سىناسادى.