استاناداعى «ءابۋ- دابي پلازا» وقيعاسىنان سوڭ ءۇندىستاننىڭ 60 ازاماتى ەلدەن شىعارىلاتىن بولدى
بۇل تۋرالى Zakon.kz حابارلايدى.
كەزدەسۋ 2 -قىركۇيەك كۇنى «ءابۋ- دابي پلازا» قۇرىلىس كەشەنىندە بولعان جانجالعا بايلانىستى ۇيىمداستىرىلدى. كەزدەسۋ بارىسىندا كومپانيا باسشىلىعى تاياۋ كۇندەرى قۇرىلىس الاڭىنداعى قوعامدىق ءتارتىپتى بۇزعانى ءۇشىن 61 شەتەلدىك ازاماتتىڭ (ءۇندىستان) ەلدەن شىعارىلاتىنىن مالىمدەدى.
كەزدەسۋدە استانا قالاسىنىڭ باسشىلىعى مۇنداي جاعدايدىڭ ەندى قايتالانباۋىن شەتەل ازاماتتارىنىڭ قازاقستان رەسپۋبليكاسىنىڭ زاڭدارىن، مورالدىق-ەتيكالىق ادەپ نورمالارىن ساقتاۋلارىن تالاپ ەتىپ، قازاقستان حالقىنا قۇرمەتپەن قاراۋ كەرەكتىگىن ەسكەرتتى.
ەسكە سالساق، 2 -قىركۇيەك كۇنى كەشكىسىن «ءابۋ- دابي پلازا» قۇرىلىس الاڭىنىڭ باقىلاۋ- وتكىزۋ بەكەتىندە كۇزەت كومپانياسى قىزمەتكەرلەرى مەن ءۇندىستاننان كەلگەن جۇمىسشىلار اراسىندا جانجال تۋىندادى. جاپپاي توبەلەس سالدارىنان بىرنەشە ادام زارداپ شەگىپ، اۋرۋحاناعا جاتقىزىلعان.
جاپپاي توبەلەستەن كەيىن وقيعا ورنىندا قوعامدىق ءتارتىپ بۇزعان 40 تان استام ادام پوليتسياعا جەتكىزىلدى. ولاردىڭ سەگىزى اكىمشىلىك جاۋاپكەرشىلىككە تارتىلعان، قالعاندارى پروفيلاكتيكالىق اڭگىمە جۇرگىزىلگەننەن سوڭ بوساتىلدى.