13:44, 08 - قىركۇيەك 2017 | GMT +6
استانا «ابۋ- دابي پلازاداعى» جانجال: 60 ءۇندى جۇمىسشىسى ەلىنە قايتارىلاتىن بولدى
استانا. قازاقپارات - استانا قالاسىنىڭ باسشىلىعى ق ر- داعى ب ا ءا توتەنشە جانە وكىلەتتى ەلشىسى جانە «Arabtec Holding PJSC» كومپانياسىنىڭ باسشىلىعىمەن («ابۋ- دابي پلازا» كەشەنىنىڭ باس مەردىگەرى) كەزدەستى، دەپ حابارلايدى ەلوردا اكىمدىگىنىڭ رەسمي سايتى.
كەزدەسۋ 2017 -جىلدىڭ 2 - قىركۇيەك كۇنى «ابۋ- دابي پلازا» قۇرىلىس الاڭىنداعى باقىلاۋ- وتكىزۋ پۋنكتىندە ورىن العان جاعدايعا قاتىستى بولدى. «Arabtec Holding PJSC» كومپانياسىنىڭ باسشىلىعى الداعى كۇندەرى 61 شەتەلدىك جۇمىسشى (ءۇندىستان ازاماتتارى) «ابۋ- دابي پلازا» قۇرىلىس الاڭىندا ءتارتىپ پەن قوعامدىق جاعدايدى بۇزعانى ءۇشىن ەلدەن شىعارىلادى، ونىڭ ىشىندە 23 ادام ءبىر تاۋلىكتە وتانىنا ورالادى دەپ حابارلادى. اڭگىمە بارىسىندا قالا باسشىلىعى مۇنداي جاعدايدىڭ قايتالانباۋىن ەسكەرتتى جانە شەتەلدىكتەردەن قازاقستان رەسپۋبليكاسىنىڭ زاڭىنا باعىنىپ، مورالدىق- ادەپ ءتارتىبى نورمالارىن ساقتاۋدى، سونداي- اق قازاقستان حالقىنىڭ سالتىنا سىيلاستىقپەن قاراۋدى تالاپ ەتتى.