09:37, 01 - قىركۇيەك 2017 | GMT +6
قوستانايدا مامونتتىڭ 60 كەلىلىك ازۋ ءتىسى تابىلدى
قوستاناي. قازاقپارات - قوستاناي وبلىسىنىڭ كومىر الاڭىنان سالماعى 60 كەلى بولاتىن مامونت ءتىسى تابىلدى، دەپ جازادى kstnews.kz سايتى.
مامونتتىڭ ازۋ ءتىسى «قۇسمۇرىن» كومىر الاڭىنداعى قازۋ جۇمىستارى كەزىندە ەكسكاۆاتورشىلاردىڭ كوزىنە تۇسكەن. كومىر رازرەزىنىڭ 28 مەترىنە كەلگەندە وپەراتور ەكسكاۆاتور شومىشىنە بوگدە نارسەنىڭ ىلىككەنىن بايقايدى.
ال كەلەسى كۇنى «قازاق كومىر ەنەرگەتيكاسى كومپانياسىنىڭ» قىزمەتكەرلەرى ازۋ ءتىستى ولكەتانۋ مۇراجايىنا الىپ كەلگەن.
تەحنيكالىق ديرەكتور انتون فيليپپوۆ ازۋ ءتىس سالماعى 60 كەلى شاماسىندا ەكەنىن ايتتى. ول وسى ۋاقىتقا دەيىن كومىر الاڭدارىنان ەجەلگى جانۋارلاردىڭ بىرنەشە قالدىقتارىن كەزدەستىرگەن.
«نەگىزى ساقتالۋى جاقسى، دەگەنمەن وڭدەۋ كەرەك. كومپانيا ماماندارى زەرتتەۋ جۇمىسىن جۇرگىزۋگە رۇقسات بەرەدى دەگەن ۇمىتتەمىز. بۇل - ءتىستىڭ الدىڭعى بولىگى»، - دەدى مۇراجاي قىزمەتكەرى اندرەي اندريۋشەنكو.