وڭتۇستىكتەگى ناۋرىز تويى: دوڭگەلەي تىزىلگەن 60 دومبىراشى كۇيدەن شاشۋ شاشتى

 شىمكەنت. قازاقپارات - ميلليونعا جۋىق حالقى بار شىمكەنت قالاسىندا ناۋرىز مەرەكەسىنە ارنالعان ءىس- شارالار كەڭ كولەمدە اتالىپ ءوتتى.

«شاشۋ» حورەوگرافيالىق كومپوزيتسياسىمەن باستالعان مەيرام 60 دومبىراشى شەڭبەر جاساپ، كۇي تارتتى، دەپ حابارلايدى قازاقپارات ح ا ا ءتىلشىسى.

 كەرەمەت كوڭىل كۇيمەن باستالعان شارانىڭ شىمىلدىعى ات سپورتىمەن وتكەن جارىسپەن ءتۇرىلدى. سونان سوڭ ناۋرىز ايتىس ۇيىمداستىرىلىپ، اننەن شاشۋ شاشىلدى. 20 بويجەتكەن قۇرمەتتى قوناقتار مەن كورەرمەندەرگە ناۋرىز كوجە تاراتتى.

بارشا جۇرتشىلىقتى كوكتەمنىڭ كەرەمەت مەرەكەسىمەن قۇتتىقتاعان وبلىس اكىمى جانسەيىت تۇيمەبايەۆ وڭتۇستىكتەگى ناۋرىز مەرەكەسى تۇركىستان قالاسىندا باستاۋ العانىن اتاپ ءوتتى.

 «جەر- انانىڭ بۋسانىپ، كۇن مەن ءتۇندى تەڭەستىرگەن جىل باسى -  ۇلىستىڭ ۇلى كۇنى ءاز- ناۋرىز مەرەكەسى قۇتتى بولسىن! ەجەلدەن اتا- بابالارىمىز «ۇلىس وڭ بولسىن، اق مول بولسىن!» دەگەن اقجارما تىلەكپەن اينالاسىن اقجارقىن شۋاققا بولەگەن. بۇل كۇندى كوڭىلگە شاتتىق ۇيالايتىن مەزگىل، جاڭارۋ ايى دەپ ساناعان. كەشە عانا كيەلى تۇركىستان توپىراعىندا ناۋرىز مەرەكەسى اياسىندا «تۇركىستان - تۇركى الەمىنىڭ مادەني استاناسى» ءىس- شاراسىن وتە جوعارى دەڭگەيدە وتكىزدىك. وسىلايشا، ءسىز بەن ءبىز تاريحتىڭ تاماشا ءبىر جاڭا بەتىن جازدىق» ، - دەدى جانسەيىت قانسەيىت ۇلى.

مۇنان سوڭ ايماق باسشىسى ەل ءۇشىن ەڭبەك ەتىپ، تاۋەلسىزدىگىمىزدى نىعايتۋعا ۇلەس قوسقان ەلىمىزگە تانىمال ءبىر توپ ازاماتقا «وڭتۇستىك قازاقستان وبلىسىنىڭ قۇرمەتتى ازاماتى» اتاعىن سالتاناتتى تۇردە تابىس ەتتى. ولاردىڭ قاتارىندا قازاقستان رەسپۋبليكاسى پارلامەنتى سەناتىنىڭ دەپۋتاتى قۋانىش ايتاحانوۆ، قازاق رۋحانياتىنىڭ جاناشىرى ءومىرزاق ايتبايەۆ، جازۋشى، دراماتۋرگ دۋلات يسابەكوۆ، قوعام قايراتكەرلەرى بولات جىلقىشيەۆ، ورازكۇل اسانعازى، شالاتاي مىرزاحمەتوۆ سىندى ءتۇرلى سالادا ەڭبەك ەتىپ جۇرگەن 25 ازامات بار.

 ال، «ناۋرىز» الاڭىندا قۇرىلعان ەتنواۋىلدا ءتۇرلى قولونەر بۇيىمدار كورمەسى ۇيىمداستىرىلىپ، كادەسىيلار ساۋدالاندى. اسىق ويىنىنان سايىس وتكىزىلىپ، قازاقشا كۇرەستەن وبلىستىڭ 15 اۋدانىنان كەلگەن پالۋاندار كۇش سىناستى.

 سونداي- اق وڭىردە تۇراتىن جۇزدەن اسا ەتنوس وكىلى ۇلتتىق كيىمدەرىن كيىپ، قوناقتارعا تاعامدارىن ۇسىندى. مەرەكە بارىسىندا «ايگولەك» ، «شامسينۋر» ، «شاتتىق» «تۇمار» ، «قازىنا» ، «ارۋلار» بي انسامبلدەرى بىرلەسىپ «دوستىق» سيۋتاسىن ورىندادى.

مۇنان سوڭ ساحنا تورىنە قازاقستان ەستراداسىنىڭ جۇلدىزى سەرىك يبراگيموۆ شىعىپ، جينالعان جۇرتتى بيلەتسە، «رينگو» توبى كونسەرت كوركىن قىزدىرا ءتۇستى. « ءال- فارابي» الاڭىندا شىمكەنت قالاسىنىڭ ديدجەيلەرى اراسىنداعى سايىس پەن قازاقستان ەسترادا جۇلدىزدارىنىڭ قاتىسۋىمەن گالا- كونسەرت ءوتتى.

اۆتور: اينۇر اقبايەۆا