پسيحولوگ: اكەسى ىشكىش قىزداردىڭ 60 پايىزى سونداي كۇيەۋگە شىعادى
«ۇل بالا اكەسىنە، قىز بالا اناسىنا تارتىلادى. ولاردىڭ اراسىندا بيولوگيالىق، فيزيكالىق بايلانىس بولادى. ال ۇل بالا التى جاسقا دەيىن اناسىمەن ءجۇرىپ، ودان كەيىن اكەسىن ىزدەي باستايدى. وسى كەزدە وعان ەر ادامنىڭ تاربيەسى كەرەك. سول كەزدە ءتۇرلى جاعدايلارمەن اكەسى بولماي قالسا، باسقا ەر ادامنىڭ تاربيەسى بولعانى دۇرىس.
ال اكە قىزدارىنا نازىك قارايدى. ول ءوزى وسىرگەن قىزىن، باسقا ءبىر وتباسىعا ءوز قولىمەن الىپ بارىپ بەرەتىنىن بىلەدى. اكەنىڭ قاتالدىق تانىتۋى ارتىق بولادى. سەبەبى قىزدىڭ ءومىر بويىنا ەر ادامدارعا دەگەن كوزقاراسى دۇرىس بولمايدى. تۇرمىس قۇرۋ قيىن بولادى، كوپ تاڭدايتىن بولادى. مىناۋ مەنىڭ اكەم سياقتى، القاش بولۋى مۇمكىن دەپ ويلايدى. ول 60 پايىز جاعدايدا سولاي بولادى دا. ءومىر بويى اكەسى ءىشىپ قاتالدىق كورسەتەدى، ودان كەيىن كۇيەۋى دە ءدال سونداي بولادى. سوسىن «مەن نە جازدىم، تاعدىرعا؟» دەپ وتىرادى.
سەبەبى قىز ەركىنەن تىس تۇردە اكەسىنە ۇقساس ادام ىزدەيدى. ياعني، ادام ساناسىنداعى ساقتالعان فايلدارعا بايلانىستى دەسەك بولادى. ونى پسيحولوگيالىق تۇردە تۇسىندىرسەم، ۇزاققا سوزىلىپ كەتەدى. جالپى ونى قايتالاماس ءۇشىن قىزدار ءوزىن سىيلاپ، وزىنە سەنۋى كەرەك. مەنىڭ جانىمدا جاقسى ادام بولادى دەپ ويلاعانى دۇرىس. كەز كەلگەن ادامنان جاقسىلىق ىزدەۋگە تىرىسۋ كەرەك»، - دەگەن پسيحولوگ جاقسى تۇرمىس قۇرىپ، جاقسى ءومىر ءسۇرۋ ءۇشىن نە ىستەۋ كەرەكتىگىن دە ايتىپ بەردى.
«ەڭ ءبىرىنشى كەز كەلگەن ادام ءوزىن جاقسى كورۋى كەرەك! تاڭەرتەڭ تۇرعان سوڭ ءبىرىنشى ءوزىڭدى رەتكە كەلتىرىپ، ايناعا قاراپ، ءوزىڭدى تاماشالعان دۇرىس. سوسىن ءار ادامنىڭ ديەۆيزى بولسىن! مىسالى مەن وزىمە كۇن سايىن «مەنىڭ ءومىرىم كۇننەن كۇنگە جاقسارادى!» دەگەندى ايتامىن. وسىنداي جىگەرمەن ۇيدەن شىعۋ كەرەك. كوڭىل-كۇيىڭىز جاقسى بولسا، ادامدار دا جاقىنداي تۇسەدى»، - دەيدى ول.
