بالالارى تۇنگى ۋاقىتتا دالادا جۇرگەنى ءۇشىن 60 اتا- انا جاۋاپقا تارتىلدى
دەپ حابارلادى قازاقپارات وبلىستىق ءى ءى د- ىگە سىلتەمە جاساپ.
اتالعان كەشەندى شاراعا ىشكى ىستەر ورگاندارىنىڭ جەكە قۇرامى، جەرگىلىكتى اتقارۋشى بيلىك، پروكۋراتۋرا، ءبىلىم بەرۋ، دەنساۋلىق ساقتاۋ ورگاندارىنىڭ، سونداي- اق «نۇر وتان» پارتياسىنىڭ جاستار قاناتى فيليالى وكىلدەرى قاتىسۋدا. ولار الكوگولدى ىشىمدىكتەر ىشەتىن، زاڭدى وكىلدەرىنىڭ ىلەسىپ ءجۇرۋىنسىز تۇنگى مەزگىلدە نەمەسە ساباق ۋاقىتىندا تىيىم سالىنعان ورىنداردى جاعالايتىن كامەلەتكە تولماعانداردى انىقتاۋمەن، مەكتەپتەر مەن ليتسەي وقۋشىلارىنا تەرىس كريمينوگەندىك ىقپالى بار، ولاردى بوپسالاۋمەن اينالىساتىن ادامداردى ىزدەپ- تابۋمەن، سونداي- اق ەسىرتكى جانە پسيحوتروپتىق زاتتاردى تۇتىنۋ فاكتىلەرىن انىقتاۋمەن اينالىسۋدا.
ءىس- شارانىڭ ءبىر كۇنىندە ىشكى ىستەر ورگاندارىنا بارلىعى 79 جاسوسپىرىم جەتكىزىلدى. ولاردىڭ 6-اۋى قاڭعىباستىققا سالىنعانى ءۇشىن جەتكىزىلسە، 73- ءى ءتۇرلى دەڭگەيدەگى اكىمشىلىك قۇقىق بۇزۋشىلىقتار جاساعان. ق ر اكىمشىلىك قۇقىق بۇزۋشىلىق تۋرالى كودەكسىنىڭ 127-بابى بويىنشا، ياعني اتا- انانىڭ نەمەسە باسقا دا زاڭدى وكىلدەردىڭ بالالاردى تاربيەلەۋ جونىندەگى مىندەتتەردى ورىنداماعانى ءۇشىن 4 اتا- اناعا جانە ق ر اكىمشىلىك قۇقىق بۇزۋشىلىق تۋرالى كودەكسىنىڭ 442-بابى بويىنشا، ساعات 22.00-دەن 06.00-گە دەيىنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز ويىن- ساۋىق مەكەمەلەرىندە بولۋى جانە ساعات 23.00-دەن 06.00-گە دەيىن زاڭدى وكىلدەرىنىڭ ەرىپ ءجۇرۋىنسىز تۇرعىن- جايدان تىس جەردە بولعانى ءۇشىن كامەلەتكە تولماعان 60 بالا انىقتالىپ، ولاردىڭ اتا- انالارىنا نەمەسە زاڭدى وكىلدەرىنە اكىمشىلىك شارا قولدانىلدى. سونداي- اق، 7 جاسوسپىرىم مەن ولاردىڭ زاڭدى وكىلدەرىنە حاتتامالار تولتىرىلدى. وسىنداي حاتتاما كامەلەتكە تولماعاندارعا ويىن- ساۋىق مەكەمەسىنە زاڭدى وكىلىنسىز كىرۋىنە جول بەرگەنى ءۇشىن 1 ويىن- ساۋىق مەكەمەسىنىڭ مەڭگەرۋشىسىنە بەرىلدى.
سونىمەن قاتار، ءىس- شارا بارىسىندا ىشكى ىستەر ورگاندارىنىڭ تىزىمدىك جانە پروفيلاكتيكالىق ەسەبىنە 12 جەتكىنشەك، 7 قولايسىز وتباسى ەسەپكە الىندى.
اۆتور: ەلۋباي اۋەزوۆ
