دۇنيەجۇزىلىك كوشپەلىلەر ويىندارى: فەستيۆالدەن كەيىن 60 توننا قوقىس شىعارىلدى

استانا. قازاقپارات - دۇنيەجۇزىلىك كوشپەلىلەر ويىندارىنىڭ ەرىكتىلەر قوزعالىسى «كىرچىن» شاتقالى اۋماعىندا تازالىق جۇمىستارىن جۇرگىزۋ تۋرالى شەشىم قابىلدادى، دەپ حابارلايدى kabar.kg.

مۇندا 4 - 7- قىركۇيەك كۇندەرى دۇنيەجۇزىلىك كوشپەلىلەر ويىندارى اياسىندا «كوشپەلىلەر الەمى» ەتنو فەستيۆالى وتكەن ەدى. بۇل تۋرالى دۇنيەجۇزىلىك كوشپەلىلەر ويىندارىنىڭ حاتشىلىعى حابارلادى.

600 گە جۋىق ادام - ىستىقكول وبلىسى مەملەكەتتىك ورگاندارىنىڭ وكىلدەرى جانە ەرىكتىلەر تاڭ اتىسىمەن تازالىق جۇمىستارىن باستاپ كەتتى. ودان بولەك، تازالىق جۇمىستارىنا ارنايى جيناۋ تەحنيكاسىن پايدالانعان مۋنيتسيپالدى قىزمەتتەر دە تارتىلدى.

تازالىق جۇمىستارى بىتكەن سوڭ، ىستىقكول مۋنيتسيپالدى قىزمەتتەرى «كىرچىن» شاتقالىنان جينالعان بارلىق قوقىستى شىعاردى. ەكى قوقىس جيناۋ كولىگى 10 رەيس ارقىلى 60 توننا كولەمىندە قوقىس شىعاردى.