09:19, 16 - شىلدە 2016 | GMT +6
تۇركياداعى توڭكەرىس جاساۋ ارەكەتى سالدارىنان ەڭ كەمى 60 ادام قازا تاپتى
استانا. قازاقپارات - تۇركياداعى اسكەري توڭكەرىس ارەكەتى سالدارىنان ەڭ كەمى 60 ادام قازا تاپتى، دەپ حابارلادى HaberTurk پورتالى انكارا پروكۋراتۋراسىنىڭ مالىمدەمەسىنە سىلتەمە جاساپ.
انكارادا كوتەرىلىسشىلەردىڭ اۆياسوققىلارىنان تۇركيا پارلامەنتى، Türksat عيماراتى، گەلباشي اۋدانىنىڭ پوليتسيا اكادەمياسى زارداپ شەكتى. انكارادا قىرىق ەكى ادام قازا تاپتى. ولاردىڭ ىشىندە ازاماتتار مەن اسكەريلەر بار.
جۇما كۇنى ءبىر توپ اسكەري تۇركيادا اسكەري توڭكەرىس جاساماق بولعان. انكارا مەن ىستامبۇل كوشەلەرىنە اسكەري تەحنيكا شىعىپ، اتىستار مەن جارىلىستار ەستىلدى. پرەزيدەنت تاييپ ەردوعان توڭكەرىس ارەكەتى جۇزەگە اسپادى جانە ول تولىق باسىلاتىنىن اتاپ ءوتتى، دەپ جازدى ر ي ا نوۆوستي.