بۇگىن ق ر ەڭبەك سىڭىرگەن ءارتىسى، ءانشى ايجان نۇرماعامبەتوۆا 60 جاسقا تولدى

استانا. قازاقپارات - 60 جىل بۇرىن (1956) ءانشى، قازاقستاننىڭ ەڭبەك سىڭىرگەن ءارتىسى نۇرماعامبەتوۆا ايجان قابدۋالي قىزى دۇنيەگە كەلدى.

قوستاناي وبلىسىنىڭ سارىكول اۋدانىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا ءبولىمىن، رەسپۋبليكالىق ەسترادا-سيرك كوللەدجىن بىتىرگەن.

رەپەرتۋارىندا حالىق، قازاق، ورىس جانە تۇرىك، اراب، ت. ب. ەلدەردىڭ ۇلتتىق اندەرى، سونداي-اق قازىرگى قازاق كومپوزيتورلارىنىڭ، اتاپ ايتقاندا ب. ءجۇماليننىڭ «باقىت دەگەن...»، م. سادىبەكوۆتىڭ «ءشيلى وزەن»، ت. ب. اندەرى بار.

ايجان نۇرماعامبەتوۆا گاسترولدىك ساپارمەن گەرمانيا، موڭعوليا، بۇلعاريا، تۇركيا، تاعى دا باسقا شەت ەلدەردە جانە قازاقستاننىڭ ءبىرقاتار ايماقتارىندا بولىپ، ونەر كورسەتكەن. قازىر «قازاق كونسەرت» بىرلەستىگىندە ەڭبەك ەتەدى.