15:04, 29 - مامىر 2016 | GMT +5
انگليا پرەمەرى دەۆيد كەمەرون استانا اۋەجايىندا 60 مينۋت بولىپ قايتتى- فوتو
استانا. قازاقپارات - 27 -مامىردىڭ تۇنىندە انگليا پرەمەرى دەۆيد كەمەرون استانا اۋەجايىندا بولىپ قايتتى.
ونىڭ ەلورداداعى اۋەجايدا بولعان ساتىندەگى سۋرەتتەر الەۋمەتتىك جەلىلەرگە جاريالانعان. ماسەلەن، ساياساتتانۋشى ەرلان قارين ءوزىنىڭ فەيسبۋكتەگى پاراقشاسىندا وسىنى جازعان.
«وتكەن تۇندە بريتان پرەمەرى استانادا بولدى. راسىمەن، تەك ول 60 مينۋت قانا بولدى. توكيودان لوندونعا بارا جاتقان جولىندا توقتاعان» دەپ جازعان ە. قارين فوتوسۋرەتتەرىن قوسا بەرگەن ەكەن.
ايتا كەتەرلىگى، كەمەرون استانادا 27 -مامىردىڭ تۇنىندە ايالداعان ەكەن. ول ءبىر ساعاتقا جۋىق ۋاقىتىن اۋەجايدا وتكىزگەن. ۇلى بريتانيا ۇكىمەت باسىنىڭ ۇشاعى استاناعا توكيودان لوندونعا قايتىپ بارا جاتقان جولىندا توقتاعان بولىپ وتىر.
اۆتور: قانات مامەتقازى ۇلى
