10:56, 10 - مامىر 2016 | GMT +5
الەمدە مۇناي كەندەرىن بارلاۋ سوڭعى 60 جىلداعى ەڭ تومەنگى دەڭگەيگە ءتۇستى
استانا. قازاقپارات - الەمدە مۇناي كەندەرىن بارلاۋ سوڭعى 60 جىلداعى ەڭ تومەنگى دەيگەيگە ءتۇستى، دەپ حابارلايدى رەسەيلىك ر ب ك اگەنتتىگى.
سوڭعى جىلدارى مۇنايدىڭ جاڭا قورلارىنىڭ كوپ بولىگى تەڭىزدىڭ تەرەڭ جەرلەرىنەن تابىلدى. وسىنداي كەن ورىندارىن يگەرۋ جانە ودان مۇناي الۋعا ورتاشا العاندا جەتى جىل كەرەك. سوندىقتان قازىرگى ۋاقىتتا مۇناي كوزدەرىن ىزدەۋ جۇمىستارىنىڭ تومەندەۋى 2020-جىلداردىڭ ورتاسىنا قاراي مۇناي ءوندىرۋ جانە جەتكىزۋدى قىسقارتۋعا اكەلىپ سوعادى.
ەگەر جاعداي تۇزەلمەسە 2035-جىلعا قاراي مۇناي دەفيتسيتى ورىن الىپ، زاتتىڭ قۇنى شارىقتاپ كەتۋى مۇمكىن، دەپ سانايدى ساراپشىلار.
