قاراعاندىلىق ازامات 60 جاستاعى زايىبىن قىزعانىپ، لاڭكەستىك تۋرالى جالعان حابار تاراتقان

قاراعاندى. قازاقپارات - قاراعاندىدا تەمىرجول ۆوكزالىنىڭ عيماراتىنداعى جولاۋشىنىڭ سومكەسىنە سالىنعان جارىلعىش زات تۋرالى جالعان حابارلامانىڭ سالدارىنان 245 ادام قاۋىپسىز جەرگە كوشىرىلگەن.

بۇل تۋرالى وبلىستىق ءىء ى د- نىڭ ءباسپاسوز قىزمەتىنەن حابارلادى.

پوليتسيانىڭ اقپاراتىنشا، وقيعا وتكەن جەكسەنبى كۇنى كۇندىز ورىن الدى.

«13 -ناۋرىز كۇنى ساعات 15:33 تە اباي اۋداندىق ءى ءى ب- نا بەلگىسىز بىرەۋ تەلەفون سوعىپ، پويىزبەن الماتىعا بارا جاتقان 42 جاستاعى ەر ادامنىڭ سومكەسىندە جارىلعىش زات بار ەكەنىن حابارلادى. جول پوليتسياسى پولكىنىڭ قىزمەتكەرلەرى بۇل ادامدى قاراعاندىنىڭ تەمىرجول ۆوكزالىنىڭ عيماراتىندا ۇستادى. ۆوكزال عيماراتىنان 245 ادام قاۋىپسىز جەرگە شىعارىلدى»، - دەلىنگەن حابارلامادا.

ارلان ارنايى بولىمشەسىنىڭ قىزمەتكەرلەرى ەكى سومكەنى قاراپ شىقتى، جارىلعىش زات تابىلعان جوق. ساعات 17:20 دا ءىس- قيمىلدار توقتاتىلدى.

«جەدەل-ىزدەۋ شارالارىنىڭ بارىسىندا اباي اۋداندىق ءى ءى ب- نىڭ قىزمەتكەرلەرى كۇدىكتى ازاماتتى ءوز پاتەرىندە ۇستادى. ول جالعان حابارلاما بويىنشا ۇستالعان ەر ادامنىڭ 33 جاستاعى تانىسى بولىپ شىقتى. ول ءوز ارەكەتىن الكوگولدىك ماس كۇيىندە بولىپ، قىزعانىشتان جالعان اقپارات بەرگەنىمەن ءتۇسىندىردى»، - دەپ اقپاراتتاندىردى وبلىستىق ءى ءى د- نىڭ باسپا ءسوز قىزمەتىنەن.

ول 60 جاستاعى زايىبىن(ايەلىن) تانىس ەر ادامنان قىزعانعان.

ەندى قىزعانشاق ق ر ق ك- نىڭ 273-بابىمەن (لاڭكەستىك اكتىسى تۋرالى كورىنەۋ جالعان حابارلاما بەرۋ) قىلمىستىق جاۋاپكەرشىلىككە تارتىلادى. سوت الدىنداعى تەرگەۋ امالدارى جۇرگىزىلۋدە.